Monday, 14 Jun, 8.26 pm ఆంధ్రజ్యోతి

జాతీయం-అంతర్జాతీయం
'ఒకే దేశం- ఒకే రేషన్' అమలుకు అభ్యంతరం లేదు : మమత

కోల్‌కతా : 'ఒకే దేశం- ఒకే రేషన్' విధానాన్ని అమలు చేయడానికి తమ ప్రభుత్వానికి ఎలాంటి అభ్యంతరమూ లేదని ముఖ్యమంత్రి మమతా బెనర్జీ ప్రకటించారు. అయితే.. అది ప్రక్రియలో ఉందని పేర్కొన్నారు. 'ఒకే దేశం- ఒకే రేషన్' విధానాన్ని బెంగాల్‌లో అమలు చేయాలని సుప్రీంకోర్టు ఆదేశించింది. ఇది వలస కూలీలకు సంబంధించిన అంశమని, దీనిని రాష్ట్రంలో వెంటనే అమలు చేయాలని సుప్రీం ఆదేశించింది. ఈ నేపథ్యంలో సీఎం మమత పై విధంగా ప్రకటన చేశారు.

ఆంక్షలను పొడిగించిన సీఎం

కోవిడ్ దృష్ట్యా రాష్ట్రంలో అమలులో ఉన్న ఆంక్షలను జూలై 1 వరకూ పొడిగిస్తున్నట్లు ముఖ్యమంత్రి మమతా బెనర్జీ ప్రకటించారు. అయితే అత్యవసర సర్వీసులకు మాత్రం మినహాయింపు ఉంటుందని పేర్కొన్నారు. అన్ని ప్రభుత్వ కార్యాలయాలు యథావిథిగానే పనిచేస్తాయని, కేవలం 25 శాతం ఉద్యోగులతో, ఉదయం 10 నుంచి సాయంత్రం 4 గంటల వరకూ పనిచేస్తాయని తెలిపారు. ఉదయం 9 నుంచి సాయంత్రం 5 గంటల వరకూ సడలింపులు ఉంటాయని, రెస్టారెంట్లు, బార్లు మధ్యాహ్నం 12 నుంచి రాత్రి 8 గంటల వరకూ తెరుచుకోవచ్చని సూచించారు.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Andhrajyothy
Top