అనంతరం ఆర్సీబీ 6.3 ఓవర్లలోనే ఒక వికెట్ కోల్పోయి అద్భుత విజయాన్ని నమోదు చేసింది. ఢిల్లీ క్యాపిటల్స్‌కు ఇది వరుసగా రెండో ఓటమి. ఇక ఢిల్లీ క్యాపిటల్స్ ఓటమిపై ఆ జట్టు సహ యజమాని పార్థ్ జిందాల్ స్పందించారు. ఆటగాళ్లలో స్పూర్తి నింపేలా ఎక్స్ వేదికగా ఆయన చేసిన పోస్ట్ నెట్టింట్లో వైరల్ అవుతోంది.

'ఢిల్లీ క్యాపిటల్స్ ఆటగాళ్లు ఇప్పుడు గతంలో కంటే ఎక్కువగా బలంగా ఉండాలి. ఈ ఓటమిని జీర్ణించుకోవడం నిజంగా చాలా కష్టం. కానీ మనం పోరాడుతూనే ఉండాలి. అలానే నమ్మకాన్ని కోల్పోకూడదు' అని పార్థ్ జిందాల్ ఎక్స్‌లో పోస్ట్ చేశారు. శనివారం(ఏప్రిల్ 25న) పంజాబ్ కింగ్స్‌పై 264 పరుగులను కాపాడుకోవడంలో ఢిల్లీ క్యాపిటల్స్ విఫలమైనప్పుడు కెప్టెన్ అక్షర్ పటేల్ పెద్దగా సమాధానం చెప్పలేకపోయాడు.