ఈ సమస్యను తగ్గించుకోవడానికి కొన్ని ఆహారాలు, అలవాట్లు ఎంతో సహాయపడతాయి.

చెమట వాసన తగ్గించడానికి తీసుకోవాల్సిన ఆహారం

• కొన్ని ఆరోగ్యకరమైన ఆహారాలు తీసుకోవడం వల్ల చెమట దుర్వాసన తగ్గుతుంది. మెంతుల గింజలను కొన్ని గంటలు నీటిలో నానబెట్టి ఆ నీటిని తాగితే శరీరం సహజంగా నిర్విషీకరణ చెందుతుంది. దీంతో చెమట వాసన కూడా తగ్గుతుంది.

• నీటి శాతం ఎక్కువగా ఉండే పుచ్చకాయ, దోసకాయ వంటి పండ్లు తింటే శరీరం హైడ్రేటెడ్‌గా ఉంటుంది. ఇవి శరీరంలోని వ్యర్థాలు బయటకు వెళ్లడానికి సహాయపడుతాయి. దీంతో చెమట దుర్వాసన తగ్గుతుంది.

• నారింజ, నిమ్మకాయ వంటి సిట్రస్ పండ్లు తరచూ తింటే చెమట వాసన తగ్గుతుంది.

• ఆకుకూరలు, క్లోరోఫిల్ అధికంగా ఉండే కూరగాయలు కూడా చెమట దుర్వాసన తగ్గించడంలో సహాయపడతాయి.

వీటిని తగ్గించండి

వేసవిలో కొన్ని ఆహారాలు చెమట దుర్వాసనను పెంచుతాయి. అందువల్ల వీలైనంత వరకు వీటిని తగ్గించడం మంచిది.

• రెడ్ మీట్

• ఉల్లిపాయలు

• వెల్లుల్లి

• ఆల్కహాల్

• ధూమపానం

ఈ ఆహారాలలో ఉన్న కొన్ని పదార్థాలు చెమట వాసనను మరింత పెంచుతాయి.

దుస్తుల విషయంలో జాగ్రత్తలు

బిగుతుగా ఉండే సింథటిక్ దుస్తులు వేసుకోవడం వల్ల చెమట ఎక్కువగా పడుతుంది. దుర్వాసన పెరుగుతుంది. కాబట్టి వదులుగా ఉండే కాటన్ దుస్తులు ధరించడం మంచిది. ఇవి చెమటను పీల్చుకుని శరీరానికి గాలి తగిలేలా చేస్తాయి.

గుర్తుంచుకోవాల్సిన విషయాలు

• రోజుకు కనీసం రెండుసార్లు స్నానం చేయాలి.

• వదులుగా ఉండే కాటన్ దుస్తులు ధరించాలి.

• రోజంతా ఎక్కువగా నీరు తాగాలి.

• కారంగా, నూనె ఎక్కువగా ఉన్న ఆహారాలను తగ్గించాలి.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read

వేసవిలో బయటకు వెళ్లే ముందు ఈ స్కిన్‌కేర్ తప్పనిసరి
బొప్పాయి తినడానికి సరైన సమయం తెలుసా?

For More Latest News