ఎస్‌ఎ్‌ససీ, పీసీఏల ఏర్పాటుపై

తెలంగాణకు హైకోర్టు ఆదేశం

ఏపీ సర్కారుకు 4 వారాల గడువు

హైదరాబాద్‌, జనవరి 21 (ఆంధ్రజ్యోతి): రాష్ట్ర స్థాయి భద్రతా కమిషన్‌ (ఎస్‌ఎ్‌ససీ) పోలీసు కంప్లయింట్‌ అథార్టీ(పీసీఏ)ల ఏర్పాటుకు తమ నుంచి ప్రతిపాదనలు అందిన నాలుగు వారాల్లో పూర్తి చేయాలని హైకోర్టు తెలంగాణ ప్రభుత్వానికి స్పష్టం చేసింది. పోలీసుల అనుచిత చర్యలవల్ల ఇబ్బంది పడుతున్న ప్రజల సమస్యలను పరిష్కరించడం కోసం, పోలీసు అధికారులపై వచ్చే ఫిర్యాదుల పరిష్కారం కోసం ఎస్‌ఎ్‌ససీ, పీసీఏలను ఏర్పాటు చేయాలని ఉమ్మడి హైకోర్టు 2017లో రెండు రాష్ట్ర ప్రభుత్వాలను ఆదేశించిన విషయం తెలిసిందే. కోర్టు ఆదేశాలు అమలు కాకపోవడంతో సుమోటోగా కోర్టు ధిక్కార నోటీసులు జారీచేసింది.