కరెంట్ బిల్లును అదుపులో ఉంచే 1 టన్ 3 స్టార్ ఇన్వర్టర్ స్ప్లిట్ ఏసీల గురించి ఇప్పుడు తెలుసుకుందాం. సుమారు 100 నుంచి 120 చదరపు అడుగుల చిన్న, మధ్యస్థ గదులకు ఇవి చక్కగా సరిపోతాయి.

టెక్నాలజీతో కూడిన చల్లదనం:

సాధారణ ఏసీల్లా కాకుండా ఈ ఆధునిక ఇన్వర్టర్ ఏసీలు గది ఉష్ణోగ్రతను బట్టి కంప్రెసర్ వేగాన్ని ఆటోమేటిక్‌గా మార్చుకుంటాయి. దీనివల్ల ఏసీ పదే పదే ఆన్, ఆఫ్ కాకుండా స్థిరమైన చల్లదనాన్ని ఇస్తుంది. అలాగే ఎక్కువ కాలం మన్నికగా ఉండేందుకు వీటిలో కాపర్ కండెన్సర్లు, తుప్పు పట్టకుండా ఉండే ప్రత్యేక కోటింగ్‌లను వాడుతున్నారు.

హిటాచీ ఐస్ క్లీన్ పవర్:

మార్కెట్లో మంచి గుర్తింపు ఉన్న హిటాచీ 1 టన్ ఏసీ ఏకంగా 54 డిగ్రీల తీవ్ర ఉష్ణోగ్రతలో కూడా అద్భుతంగా పనిచేస్తుందని కంపెనీ చెబుతోంది. దీనిలో ఉండే ఐస్ క్లీన్ టెక్నాలజీ ఏసీని లోపలి నుంచి స్వయంగా శుభ్రం చేస్తుంది. అంతేకాదు.. నాలుగు వైపులా గాలిని సమానంగా ప్రసరింపజేసే ఫీచర్ దీని ప్రత్యేకత.

క్రూయిజ్ బడ్జెట్ ఏసీ:

తక్కువ బడ్జెట్‌లో మంచి ఏసీ కావాలనుకునే వారికి క్రూయిజ్ ఒక మంచి ఆప్షన్. ఇందులో ఏడు అంచెల ఎయిర్ ఫిల్టర్లు ఉండటం వల్ల గదిలోని గాలి ఎంతో స్వచ్ఛంగా మారుతుంది. పీఎం 2.5 కణాలను సైతం ఇది అడ్డుకుంటుంది. స్టెబిలైజర్ అవసరం లేకుండా పనిచేస్తూ కరెంట్ బిల్లును కూడా ఇది బాగా తగ్గిస్తుంది.

ఏసీ కొనే ప్లాన్ ఉందా? ఈ 'కాపర్ కండెన్సర్' సీక్రెట్ తెలియకపోతే మీ డబ్బులు వేస్ట్ అయినట్టే!

లాయిడ్ స్మార్ట్ కూలింగ్:

లాయిడ్ సంస్థ తీసుకొచ్చిన సరికొత్త ఏసీ కూడా 54 డిగ్రీల ఎండను తట్టుకోగలదు. అలాగే దీనిలో అవసరాన్ని బట్టి మార్చుకునే ఆరు రకాల కూలింగ్ మోడ్స్ ఉన్నాయి. దీనికి ఉన్న గోల్డెన్ ఫిన్ కోటింగ్ ఏసీ పాడవకుండా కాపాడుతుంది. మధ్యతరగతి కుటుంబాలకు తక్కువ ధరలో ప్రీమియం ఫీచర్లు అందించడంలో ఇది ముందుంటుంది.

ఐఎఫ్బీ ఆర్టిఫిషియల్ ఇంటెలిజెన్స్:

సాంకేతికతను ఇష్టపడే వారి కోసం ఐఎఫ్బీ ఏఐ ఆధారిత ఏసీని పరిచయం చేసింది. ఇది గదిలోని వాతావరణాన్ని స్వయంగా అర్థం చేసుకుని కూలింగ్‌ను అడ్జస్ట్ చేస్తుంది. దీనివల్ల గది వేగంగా చల్లబడటమే కాకుండా.. విద్యుత్ వినియోగం కూడా చాలా వరకు తగ్గుతుంది.

దైకిన్ నమ్మకమైన పనితీరు:

ఏసీ రంగంలో జపాన్ బ్రాండ్ దైకిన్‌కు ప్రత్యేక స్థానం ఉంది. దీనిలోని పేటెంటెడ్ ఇన్వర్టర్ స్వింగ్ కంప్రెసర్ టెక్నాలజీ వల్ల అస్సలు సౌండ్ రాదు. ఎంతో కాలం మన్నికగా ఉంటూ.. వేసవి అంతా స్థిరమైన చల్లదనాన్ని ఇవ్వడం వల్ల చాలామంది కస్టమర్లు దైకిన్ మోడల్స్ కొనేందుకే మొగ్గు చూపుతున్నారు.

ఎండలు మండిపోతున్నా నో వర్రీ.. మెడలో వేసుకుని స్మార్ట్ ACని తెచ్చిన సోనీ.. రేట్ ఎంతంటే?