Best Android Tablets 2026: సాధారణంగా టాబ్లెట్ అనగానే మనలో చాలామందికి ముందుగా గుర్తొచ్చేది ఐప్యాడ్. ఆ బ్రాండ్ మీద ఉన్న క్రేజ్ అలాంటిది మరి. కానీ ఇప్పుడు ట్రెండ్ మారుతోంది.

ఆండ్రాయిడ్ టాబ్లెట్లు కూడా ఐప్యాడ్‌లకు ఏమాత్రం తీసిపోకుండా మార్కెట్‌ను షేక్ చేస్తున్నాయి.

ముఖ్యంగా శాంసంగ్, వన్‌ప్లస్ లాంటి కంపెనీలు లాప్‌టాప్‌తో పని లేకుండానే అన్ని పనులను చక్కబెట్టేలా అదిరిపోయే ట్యాబ్‌లను తీసుకొస్తున్నాయి. మీరు కూడా ఒక మంచి ఆండ్రాయిడ్ టాబ్లెట్ కొనాలని ప్లాన్ చేస్తుంటే.. ప్రస్తుతం టాప్ రేటింగ్‌లో ఉన్న ఈ 5 ఆప్షన్లపై ఓ లుక్కేయండి.

Xiaomi Pad 8

ఐప్యాడ్ ఎయిర్ లాంటి లుక్ ఉండాలి.. కానీ ఆండ్రాయిడ్ కావాలనుకుంటే షావోమీ ప్యాడ్ 8 బెస్ట్ ఛాయిస్. ఇది ఫుల్ మెటల్ బాడీతో చూడటానికి చాలా క్లాస్‌గా ఉంటుంది. 11.2 అంగుళాల డిస్‌ప్లే, స్నాప్‌డ్రాగన్ 8s జెన్ 4 ప్రాసెసర్‌తో దీని పర్ఫార్మెన్స్ అదిరిపోతుంది. దీనిలో 12GB వరకు RAM ఉంటుంది కాబట్టి.. ఎంతటి హెవీ గేమింగ్ అయినా, మల్టీటాస్కింగ్ అయినా అస్సలు హ్యాంగ్ అవ్వదు. తక్కువ ధరలో ప్రీమియం ఫీచర్లు కావాలనుకునే వారికి సెట్ అవుతుంది.

OnePlus Pad Go 2

బడ్జెట్ మరీ ఎక్కువ పెట్టలేము.. అలా అని ఫీచర్లు తక్కువ ఉండకూడదు అనుకునే వారికి వన్‌ప్లస్ ప్యాడ్ గో 2 బెటర్. దీనిలో 12.1 అంగుళాల పెద్ద స్క్రీన్ ఉంటుంది. దీనివల్ల సినిమాలు చూడటానికైనా, ఆన్‌లైన్ క్లాసులు వినడానికైనా చాలా కంఫర్ట్‌గా ఉంటుంది. ముఖ్యంగా ఈ ట్యాబ్‌లో 10,050mAh భారీ బ్యాటరీ ఉంది కాబట్టి.. ఛార్జింగ్ గురించి అస్సలు టెన్షన్ పడక్కర్లేదు. స్టూడెంట్స్‌కు ఇది చాలా బాగా ఉపయోగకరం.

వన్‌ప్లస్ ఫ్యాన్స్‌కు పండగే.. 8000mAh బ్యాటరీతో నార్డ్ కొత్త ఫోన్లు వచ్చేస్తున్నాయ్, ఫీచర్లు భలే ఉన్నాయి భయ్యా!

Redmi Pad 2 Pro

రూ.25వేల లోపు మంచి ట్యాబ్ కోసం చూస్తున్నట్టయితే.. రెడ్‌మీ ప్యాడ్ 2 ప్రోను ఎంపిక చేసుకోవచ్చు. దీనిలో హైలైట్ ఏమిటంటే.. ఇందులో ఏకంగా 12,000mAh బ్యాటరీని అమర్చారు. అలాగే స్నాప్‌డ్రాగన్ 7s జెన్ 4 ప్రాసెసర్‌తో రోజువారీ పనులు, వీడియోలు చూడటం లాంటివి చాలా స్మూత్‌గా జరిగిపోతాయి. బడ్జెట్ రేంజ్‌లో ఇది నిజంగా వాల్యూ ఫర్ మనీ అనే చెప్పాలి.