Amazon Great Summer Sale 2026: ప్రముఖ ఈ కామర్స్ దిగ్గజం అమెజాన్.. 2026 ఏడాదికి గాను మరో సరికొత్త సేల్ ను అందుబాటులోకి తీసుకొస్తోంది. ప్రస్తుత వేసవి దృష్ట్యా 'అమెజాన్ గ్రేట్ సమ్మర్ సేల్' (Amazon Great Summer Sale 2026) ప్రకటించింది.

మరో 3 రోజుల్లో ఈ సేల్ అధికారికంగా మెుదలు కానుంది. ఏసీలు, రిఫ్రిజిరేటర్లు, మెుబైల్స్, ఎలక్ట్రానిక్ గ్యాడ్జెట్స్ వంటి వాటిపై భారీ డిస్కౌంట్లను అందుబాటులో ఉంచనున్నట్లు అమెజాన్ అధికారికంగా ప్రకటించింది. ఆఫర్ వివరాలను సైతం విడుదల చేసింది. ఇంతకీ ఈ సేల్ ఎప్పుడు మెుదలు కానుంది? ఎలాంటి ఆఫర్లు లభించనున్నాయి? ఈ కథనంలో పరిశీలిద్దాం.

సేల్ ప్రారంభం ఎప్పుడంటే?

అమెజాన్ వెల్లడించిన వివరాల ప్రకారం.. ఈ సమ్మర్ సేల్ మే 8వ తేదీ అర్ధరాత్రి 12 గంటల నుండి ప్రారంభమవుతుంది. అయితే ముందుగా ప్రైమ్ మెంబర్లకు మాత్రమే ఈ సేల్ లో యాక్సెస్ లభించనుంది. సాధారణ కస్టమర్లకు మే 9వ తేదీ అర్ధరాత్రి 12 గంటల నుంచి సేల్ అందుబాటులోకి వస్తుంది. మే 12 – 14 వరకూ ఈ సేల్ జరగవచ్చని అమెజాన్ వర్గాలు పేర్కొంటున్నాయి.

బ్యాంక్ ఆఫర్లు

సేల్ ప్రారంభానికి ముందే బ్యాంక్ ఆఫర్లు, ఆఫర్ల వివరాలను అమెజాన్ ప్రకటించింది. వీటిని ఉపయోగించి వస్తువులు కొనుగోలు చేస్తే భారీగా డబ్బును పొదుపు చేసుకోవచ్చని తెలిపింది. ముందుగా బ్యాంక్ ఆఫర్ల విషయానికి వస్తే.. HDFC బ్యాంక్ క్రెడిట్ కార్డులు, EMI లావాదేవీలపై 10% ఇన్‌స్టంట్ డిస్కౌంట్ లభించనుంది. అమెజాన్ పే ఐసీఐసీఐ క్రెడిట్ కార్డ్ వాడే ప్రైమ్ మెంబర్లకు 5% అన్‌లిమిటెడ్ క్యాష్‌బ్యాక్ లభిస్తుంది.

రోజుకు రూ.9 ఈఎంఐ!

కొన్నింటిపై నో కాస్ట్ ఈఎంఐ సైతం సమ్మర్ సేల్ లో అందుబాటులో ఉంటుందని అమెజాన్ ప్రకటించింది. ఎంపిక చేసిన ఉత్పత్తులపై రోజుకు కేవలం రూ.9 నుండి నో-కాస్ట్ ఈఎంఐ ప్రారంభమవుతుందని స్పష్టం చేసింది. ఇవి కాకుండా ఎక్స్చేంజ్ ఆఫర్లు సైతం కస్టమర్లు వినియోగించుకోవచ్చు. పాత మొబైల్స్ లేదా వస్తువుల మీద భారీ ఎక్స్ఛేంజ్ బోనస్‌లు ఉంటాయని అమెజాన్ స్పష్టం చేసింది.

ఐఫోన్లపై రూ.50 వేల డిస్కౌంట్!

స్మార్ట్‌ఫోన్లు, ఎలక్ట్రానిక్స్, గృహోపకరణాలపై సేల్ ప్రారంభానికి ముందే భారీ డిస్కౌంట్లను అమెజాన్ ప్రకటించింది. స్మార్ట్ ఫోన్లపై 40 శాతం వరకూ డిస్కౌంట్లు ఇవ్వనున్నట్లు తెలిపింది. ఫలితంగా శాంసంగ్ గెలాక్సీ ఎస్25 అల్ట్రా (Samsung Galaxy S25 Ultra) దాదాపు రూ.94,999 ప్రారంభ ధరకే లభించే అవకాశం ఉంది. అలాగే ఐఫోన్ 16, 15 ధరలు.. రూ.50,000 వరకూ తగ్గే ఛాన్స్ ఉన్నట్లు తెలుస్తోంది. మరోవైపు ఈ సేల్ లో వన్ ప్లస్ నార్డ్ 5 (OnePlus Nord 6) సుమారు రూ.36,999 ధరకు లభించొచ్చని అమెజాన్ వర్గాలు వెల్లడించాయి. ఇవికాకుండా ఐకూ 15 ఆర్ (iQOO 15R), రియల్ మీ (Realme), రెడ్ మీ (Redmi) ఫోన్లపై కూడా క్రేజీ ఆఫర్లు ఈ సమ్మర్ సేల్ లో ఉండనున్నట్లు సమాచారం.