Stomach pain at night home remedies: పగలంతా బాగానే ఉన్నా, రాత్రి పడుకునే సమయానికి చాలామందికి కడుపునొప్పి, గ్యాస్, లేదా కడుపు ఉబ్బరం వంటి సమస్యలు మొదలవుతుంటాయి.

రాత్రి పూట వచ్చే కడుపునొప్పి వల్ల నిద్ర పూర్తిగా చెడిపోవడమే కాకుండా.. మరుసటి రోజు రోజంతా నీరసంగా మారుతుంది. రాత్రి వేళల్లో హాస్పిటల్‌కో లేదా మెడికల్ షాప్‌కో వెళ్లడం అందరికీ సాధ్యం కాకపోవచ్చు. అలాంటప్పుడు మన వంటగదిలో సులభంగా దొరికే కొన్ని సహజసిద్ధమైన వస్తువులతోనే ఈ సమస్యకు శాశ్వతంగా ముగింపు పలకవచ్చు. రాత్రి పూట కడుపునొప్పిని తగ్గించి, మీకు ప్రశాంతమైన నిద్రను ఇచ్చే 5 అద్భుతమైన హోం రెమెడీస్ ఇప్పుడు వివరంగా చూద్దాం.

రాత్రిపూట కడుపునొప్పిని తగ్గించే 5 హోం రెమెడీస్:

రాత్రి పూట జీర్ణక్రియ మందగించడం వల్ల లేదా రాత్రి తీసుకునే భారీ ఆహారం వల్ల ఈ నొప్పి వచ్చే అవకాశం ఉంది. దీనిని తగ్గించడానికి ఈ కింది చిట్కాలు చాలా బాగా పని చేస్తాయి.

1. అల్లం టీ లేదా అల్లం జ్యూస్:
పూర్వ కాలం నుంచి జీర్ణ సంబంధిత సమస్యలకు అల్లం ఒక అద్భుతమైన ఔషధంగా పనిచేస్తోంది. అల్లంలో ఉండే ‘జింజెరాల్స్’ అనే రసాయన సమ్మేళనాలు కడుపులోని కండరాలను సడలించి, నొప్పిని తక్షణమే తగ్గిస్తాయి.

ఎలా వాడాలి: ఒక చిన్న అల్లం ముక్కను నీటిలో బాగా మరిగించి, ఆ నీటిని గోరు వెచ్చగా ఉన్నప్పుడు తాగాలి. ఇది కడుపులో పేరుకుపోయిన గ్యాస్‌ను త్వరగా బయటకు పంపుతుంది.

2. వాము, గోరువెచ్చని నీరు:
మన వంటకాల్లో వాముకు ప్రత్యేక స్థానం ఉంది. ముఖ్యంగా అసిడిటీ లేదా అజీర్తి వల్ల వచ్చే కడుపునొప్పికి వాము తక్షణ ఉపశమనాన్ని ఇస్తుంది.

ఎలా వాడాలి: అర చెంచా వామును కొద్దిగా నమిలి, ఆపై ఒక గ్లాసు గోరువెచ్చని నీటిని తాగాలి. ఒకవేళ వాము నేరుగా తినలేకపోతే.. నీటిలో వేసి మరిగించి ఆ కషాయాన్ని తాగవచ్చు. ఇది తిన్న ఆహారం త్వరగా అరగడానికి సహాయ పడుతుంది.

3. పుదీనా ఆకులు లేదా పుదీనా టీ:
పుదీనాలో ఉండే ‘మెంతాల్’ కడుపులోని జీర్ణ వ్యవస్థపై సానుకూల ప్రభావం చూపుతుంది. ఇది కడుపు ఉబ్బరం, వికారం, కడుపు నొప్పులను తగ్గించడంలో సహాయ పడుతుంది.

ఎలా వాడాలి: కొన్ని తాజా పుదీనా ఆకులను నమలడం లేదా ఒక కప్పు పుదీనా టీని నెమ్మదిగా సిప్ చేయడం ద్వారా కడుపులో మంట, నొప్పి నుంచి ఉపశమనం పొందవచ్చు.

4. మెంతులు, పెరుగు:
కడుపులో ఇన్ఫెక్షన్ లేదా మితిమీరిన వేడి వల్ల కడుపునొప్పి వస్తున్నట్లయితే.. మెంతులు అద్భుతంగా పని చేస్తాయి.

ఎలా వాడాలి: ఒక టీస్పూన్ మెంతులను నమిలి మింగేసి, ఆపై రెండు చెంచాల పల్చటి పెరుగు లేదా మజ్జిగ తాగాలి. ఇది కడుపుకు తక్షణ చల్లదనాన్ని ఇచ్చి, నొప్పిని అదుపులోకి తెస్తుంది.

5. హీటింగ్ ప్యాడ్ లేదా గోరువెచ్చని కాపడం:
కొన్నిసార్లు కడుపులోని కండరాలు పట్టేయడం వల్ల నొప్పి వస్తుంది. దీనికి బాహ్యంగా చేసే చికిత్స చాలా బాగా ఉపయోగపడుతుంది.