Brezza vs Nexon Base Variant Comparison: సబ్ కాంపాక్ట్ SUV సెగ్మెంట్‌ లో బడ్జెట్‌లో మంచి కారు కొనాలనుకునే వారికి మారుతి సుజుకి బ్రెజ్జా, టాటా నెక్సాన్ మంచి ఆప్షన్స్ గా చెప్పుకోవచ్చు.

ముఖ్యంగా వీటి బేస్ పెట్రోల్ వేరియంట్లు సింపుల్‌ గా, అవసరమైన ఫీచర్లతో వస్తాయి. అయితే, ఈ రెండు మోడళ్ల మధ్య కొన్ని కీలక తేడాలు ఉన్నాయి. ఇంతకీ అవేంటి? అనేది ఇప్పుడు తెలుసుకుందాం..

ఇంజిన్ గురించి..

బ్రెజ్జా 1.5 లీటర్ నాచురల్లీ ఆస్పిరేటెడ్ పెట్రోల్ ఇంజిన్‌ తో వస్తుంది. ఇది సుమారు 99 bhp పవర్, 137 Nm టార్క్‌ ను ఇస్తుంది. ఇది 5 స్పీడ్ మాన్యువల్ గేర్‌ బాక్స్‌ ను కలిగి ఉంటుంది. అదే ఇంజిన్‌ను CNG ఆప్షన్‌ లో కూడా పొందే అవకాశం ఉంటుంది. మరోవైపు, నెక్సాన్ 1.2 లీటర్ టర్బో పెట్రోల్ ఇంజిన్‌ తో వస్తుంది. ఇది 118 bhp పవర్, 170 Nm టార్క్‌ ను అందిస్తుంది. అంటే, పవర్ పరంగా నెక్సాన్ కాస్త ముందు ఉంటుంది. హైవే డ్రైవింగ్, ఓవర్‌ టేక్‌ కోసంబాగుంటుంది. అయితే సిటీలో సింపుల్ డ్రైవింగ్, మెయింటెనెన్స్ విషయంలో బ్రెజ్జా మంచి ఎంపికగా చెప్పుకోవచ్చు.

భద్రతా ఫీచర్ల

రెండు కార్లలో కూడా ABS, EBD, ESC, ట్రాక్షన్ కంట్రోల్, హిల్ హోల్డ్ లాంటి ఫీచర్లు ఉన్నాయి. బ్రెజ్జాలో 6 ఎయిర్‌ బ్యాగ్‌ లు, పార్కింగ్ సెన్సార్లు, ISOFIX మౌంట్స్ వంటి ఫీచర్లు ఉన్నాయి. నెక్సాన్‌ లో కూడా ఇవే ఉన్నా, అదనంగా ప్యాసింజర్ ఎయిర్‌ బ్యాగ్ ఆఫ్ స్విచ్, సీట్‌ బెల్ట్ ప్రీటెన్షనర్లు లాంటి ఫీచర్లు ఉంటాయి. ఇవి భద్రత విషయంలో నెక్సాన్‌ కు కొంచెం అదనపు మెరుగుదలగా చెప్పుకోవచ్చు.

సౌకర్యాలు

రెండు SUVలు కూడా మాన్యువల్ AC, టిల్ట్ స్టీరింగ్ లాంటి బేసిక్ ఫీచర్లను ఇస్తాయి. బ్రెజ్జాలో వెనుక AC వెంట్లు ఉండటం పెద్ద ప్లస్ పాయింట్. ఇది వెనుక సీటులో కూర్చునే వారికి ముఖ్యంగా ఉపయోగపడుతుంది. అలాగే రీడింగ్ లైట్స్, ఆర్మ్‌ రెస్ట్ లాంటి చిన్న చిన్న సౌకర్యాలు కూడా అందిస్తారు. నెక్సాన్ మాత్రం ఇంటీరియర్ డిజైన్‌ పై ఎక్కువ దృష్టి పెట్టింది. యాంబియంట్ లైటింగ్, స్టైలిష్ ఎలిమెంట్స్ లాంటి ఫీచర్లు క్యాబిన్‌కు ప్రీమియం ఫీలింగ్ ఇస్తాయి.

టెక్నాలజీ గురించి..

టెక్నాలజీ విషయంలో కూడా కొంత తేడా ఉంది. రెండు కార్లలోనూ బేస్ వేరియంట్లలో సింపుల్ అనలాగ్ మీటర్ ఉంటుంది. కానీ, నెక్సాన్‌లో కొంత డిజిటల్ డిస్‌ ప్లే కూడా ఉంటుంది. లైటింగ్ విషయంలో నెక్సాన్ ముందుంది. ఇందులో LED హెడ్‌ ల్యాంప్స్, DRLs ఉంటాయి. బ్రెజ్జాలో మాత్రం హాలోజన్ హెడ్‌ ల్యాంప్స్ ఉంటాయి. నెక్సాన్‌లో డ్రైవింగ్ మోడ్స్, యాప్ ఆధారిత యాంటీ థెఫ్ట్ ఫీచర్ వంటి అదనపు టెక్నాలజీలు ఉన్నాయి.