Summer drinks: బాబోయ్ ఎండలు.. బయట అడుగుపెడితే చాలు సూర్యుడు సుర్రుమనిపిస్తున్నాడు. ఇలాంటి సమ్మర్ హీట్‌లో బాడీని కూల్‌గా ఉంచుకోవడం ఒక పెద్ద టాస్క్.

చాలా మంది ఎండ తాపానికి తప్పుడు డ్రింక్స్ ఎంచుకుని అనారోగ్య సమస్యలను కొని తెచ్చుకుంటారు. ముఖ్యంగా మన లాంటి చాయ్, కాఫీ లవర్స్‌కి పొద్దున లేవగానే.. వేడి వేడి కప్పు చేతిలో పడాల్సిందే. కానీ వేసవిలో నార్మల్ టీ,గ్రీన్ టీ లేదా కాఫీ.. వీటిలో ఏది మన శరీరానికి మేలు చేస్తుంది? ఏది నష్టం కలిగిస్తుంది? ఏ డ్రింక్ ఎలా తాగితే.. ఈ సమ్మర్‌లో మనం సూపర్ హెల్తీగా ఉండవచ్చో ఇప్పుడు తెలుసుకుందాం.

వేసవిలో తప్పుడు డ్రింక్స్ :
ఎండకాలం వచ్చిందంటే చాలు బాడీలో వాటర్ లెవెల్స్ పడిపోతుంటాయి. దాహం వేసినప్పుడల్లా దొరికిన కూల్ డ్రింకో లేదా ఐస్ వాటరో తాగేస్తుంటాం. కానీ.. రోజువారీ అలవాటుగా తాగే టీ, కాఫీ, గ్రీన్ టీల విషయంలో మాత్రం తీవ్రమైన తప్పులు చేస్తుంటాం. వేసవిలో మీ బాడీని డీహైడ్రేషన్ నుండి కాపాడుకోవడానికి ఈ మూడు డ్రింక్స్ ఎలా పనిచేస్తాయంటే..

1. నార్మల్ టీ:
మన దేశంలో చాయ్ అనేది ఒక ఎమోషన్. ఎంత ఎండ ఉన్నా సరే.. వేడి వేడి ఇరానీ చాయ్ లేదా మసాలా చాయ్ తాగేవాళ్లు చాలామంది ఉంటారు. అయితే.. రెగ్యులర్ బ్లాక్ టీ లేదా పాలు, చక్కెర వేసిన టీలో కెఫిన్ ఎక్కువగా ఉంటుంది.

కెఫిన్ అనేది ఒక 'డైయూరిటిక్'. దీని వల్ల మీ బాడీలో.. ఉండే వాటర్ కంటెంట్ త్వరగా బయటకు పోయి డీహైడ్రేషన్‌కు దారితీస్తుంది. పైగా పాలు, చక్కెర కలిపిన టీ వేసవిలో శరీరంలో వేడిని పెంచుతుంది, ఎసిడిటీకి కారణమవుతుంది.

చిట్కా: సమ్మర్‌లో టీ తాగడం పూర్తిగా మానలేకపోతే..రోజుకు 1 లేదా 2 కప్పులకే పరిమితం చేయండి. అది కూడా మరీ వేడిగా కాకుండా కాస్త గోరు వెచ్చగా తాగడం బెటర్.

2. గ్రీన్ టీ :
సమ్మర్‌లో బాడీకి రిఫ్రెష్‌మెంట్‌తో పాటు హెల్త్ బెనిఫిట్స్ కావాలనుకుంటే గ్రీన్ టీ బెస్ట్ ఆప్షన్. ఇందులో యాంటీఆక్సిడెంట్లు పుష్కలంగా ఉంటాయి. ఇవి వేసవిలో ఎండల వల్ల పాడయ్యే చర్మాన్ని లోపలి నుంచి కాపాడతాయి.

గ్రీన్ టీ మెటబాలిజాన్ని పెంచి, శరీరంలోని టాక్సిన్స్‌ను బయటకు పంపుతుంది. నార్మల్ టీతో పోలిస్తే.. ఇందులో కెఫిన్ శాతం చాలా తక్కువ. కాబట్టి ఇది బాడీని అంత త్వరగా డీహైడ్రేట్ చేయదు.

ట్విస్ట్: సమ్మర్‌లో వేడి గ్రీన్ టీ కంటే “ఐస్‌డ్ గ్రీన్ టీ” తాగడం చాలా ట్రెండీ అండ్ హెల్తీ. గ్రీన్ టీ డికాషన్‌లో కాస్త నిమ్మరసం, పుదీనా ఆకులు, ఐస్ క్యూబ్స్ వేసుకుని తాగితే బాడీ ఇన్స్టంట్‌గా కూల్ అవుతుంది.