చైనాలో 'రెడ్‌మి K90 అల్ట్రా' పేరుతో ఈ ఫోన్‌ను గ్రాండ్‌గా లాంచ్ చేశారు. అద్భుతమైన డిజైన్, అడ్వాన్స్‌డ్ ఫీచర్లతో వచ్చిన ఈ హ్యాండ్ సెట్ టెక్ లవర్స్‌ను, ముఖ్యంగా గేమర్స్‌ను బాగా ఆకట్టుకుంటోంది.

ఏయే రంగుల్లో అంటే..

రెడ్‌మీ K90 అల్ట్రా బేస్ వేరియంట్ (12GB+256GB, 16GB+256GB) ధర చైనాలో దాదాపు రూ.40,000గా ఉంది. అలాగే టాప్ మోడల్ (16GB+512GB) ధర సుమారు రూ.50,000 వరకు ఉంటుంది. ఈ ఫోన్ స్పేస్ సిల్వర్, షాడో బ్లాక్, స్కై బ్లూ లాంటి మూడు ట్రెండీ కలర్స్ ఆప్షన్లలో అందుబాటులోకి వచ్చింది.

మెరుగైన పనితీరు:

ఈ ఫోన్‌లో 6.83 ఇంచుల 1.5K అమోలెడ్ డిస్‌ప్లేను అందించారు. ఇది 165Hz రీఫ్రెష్ రేట్‌తో పని చేస్తుంది. కాబట్టి.. స్క్రోలింగ్, గేమింగ్ చాలా స్మూత్‌గా సాగుతాయి. ఇక పనితీరు విషయానికి వస్తే.. దీనిలో క్వాల్‌కామ్ స్నాప్‌డ్రాగన్ 8 ఎలైట్ చిప్‌సెట్‌ను ఉపయోగించారు. దీనికి తోడు గేమింగ్ గ్రాఫిక్స్ పెంచడం కోసం ప్రత్యేకంగా D2 AI చిప్‌ను కూడా అమర్చారు.

ఫోన్ లోపలే కూలింగ్ ప్యాడ్:

ఎక్కువగా గేమ్స్ ఆడేటప్పుడు ఫోన్ వేడెక్కకుండా ఉండేందుకు ఇందులో ఒక యాక్టివ్ కూలింగ్ ఫ్యాన్‌ను ఇచ్చారు. ఇది కేవలం 100 సెకన్లలో ఫోన్ వేడిని 10 డిగ్రీల వరకు తగ్గిస్తుంది. ఇక కెమెరాల పరంగా చూస్తే.. వెనుక వైపు 50MP ప్రైమరీ కెమెరాతో పాటు 8MP అల్ట్రావైడ్ కెమెరా ఉన్నాయి. అలాగే సెల్ఫీల కోసం 20MP ఫ్రంట్ కెమెరాను అందించారు.

భారీ బ్యాటరీ.. ఫాస్ట్ ఛార్జింగ్:

Redmi K90 Ultra ప్రధాన ఆకర్షణ దీని బ్యాటరీ. దీనిలో ఏకంగా 8,550mAh సామర్థ్యం గల భారీ బ్యాటరీని ఇచ్చారు. దీనికి తోడు 100W ఫాస్ట్ ఛార్జింగ్‌కు ఇది సపోర్ట్ చేస్తుంది. బాక్స్‌లోనే 100W GaN ఛార్జర్‌ను కూడా ఇస్తున్నారు. ఫోన్ ధూళి, నీటి నుండి పాడవకుండా ఉండేందుకు దీనికి IP68 రేటింగ్‌ కూడా ఉంది.