ఇకపోతే సినిమా విడుదలైన తొలిరోజే సినిమా మొత్తం లీక్ అవడం ఒక ఎత్తు అయితే.. ఒకవైపు సినిమా షూటింగ్ సెట్లో ఉండగానే సినిమాకు సంబంధించిన కీలక ఘట్టాలు సోషల్ మీడియాలో లీక్ అవడం మరో ఎత్తు.. ఇలాంటి లీక్స్ చిత్ర బృందాన్ని అయోమయంలో పడేస్తున్నాయి.

ఎల్లమ్మ స్టోరీ లైన్ లీక్..

ఇకపోతే ఈ లీక్ అనేది రెండు రకాలు అనే చెప్పాలి. కొంతమంది ఆకతాయిలు సినిమాను స్పాయిల్ చేసి ఆర్థికంగా లాభపడడానికి ఆ సినిమా సన్నివేశాలను లేదా సినిమా మొత్తాన్ని ఆన్లైన్లో లీక్ చేస్తూ ఉంటారు. ఇక మరొక లీక్ విషయానికి వస్తే చిత్ర బృందంలో ఎవరో ఒకరు సినిమా పై హైప్ పెంచడానికి సినిమా లైన్స్ ను ఇలా లీక్ చేస్తూ ఉంటారు. ఇప్పుడు తాజాగా జబర్దస్త్ కమెడియన్ వేణు ఎల్దండి దర్శకత్వంలో..మ్యూజిక్ డైరెక్టర్గా శ్రోతలను అలరించి .. స్టార్ స్టేటస్ అంతం చేసుకున్న దేవిశ్రీప్రసాద్ హీరోగా నటిస్తున్న తొలి చిత్రం ఎల్లమ్మ. తాజాగా ఈ సినిమా స్టోరీ లీక్ అవ్వడం తో అటు చిత్ర బృందమే కాదు అభిమానులు కూడా ఆశ్చర్యపోతున్నారు. అయితే ఈ సినిమా స్టోరీని ఎవరు లీక్ చేశారు? ఆ స్టోరీ ఏంటి ?అనే విషయం ఇప్పుడు చూద్దాం..

ఒక్క మాటతో మొత్తం చెప్పేసిన లిరిసిస్ట్..

బలగం సినిమాతో దర్శకుడిగా సూపర్ హిట్ విజయాన్ని అందుకున్న జబర్దస్త్ కమెడియన్ వేణు ఎల్దండి సరికొత్త ప్రాజెక్టుతో ప్రేక్షకుల ముందుకు రాబోతున్నారు. అదే ఎల్లమ్మ. ఎన్నో సంవత్సరాలుగా ఈ ప్రాజెక్టు పైనే ఫోకస్ పెట్టారు. ఇక ఈ చిత్రాన్ని దిల్ రాజు శ్రీ వెంకటేశ్వర క్రియేషన్స్ బ్యానర్ పై నిర్మిస్తున్నారు. పైగా ఈ చిత్రం ద్వారా దేవిశ్రీప్రసాద్ హీరోగా ఎంట్రీ ఇవ్వనున్నారు. ఇకపోతే హీరోయిన్ వేటలో సాయి పల్లవి, కీర్తి సురేష్ ఇలా చాలామంది పేర్లు వినిపిస్తున్నాయి కానీ ఇప్పటివరకు ఎవరు ఫైనల్ అనే విషయంపై అధికారికంగా ప్రకటించలేదు ఇలాంటి సమయంలో తాజాగా ఈ సినిమా నుండి స్టోరీ లైన్ వైరల్ గా మారింది.

సినిమా కథలో ఇంత డెప్త్ ఉందా?

ఎల్లమ్మను కొలిచే చిందు యక్షగానం కళాకారుల ఫ్యామిలీ నేపథ్యంలో ఈ సినిమా ఉంటుందని లిరిసిస్ట్ కాసర్ల శ్యామ్ ఒక ఇంటర్వ్యూలో లీక్ చేస్తూ స్పష్టం చేశారు. కుటుంబ కళలు , గ్రామానికి చెందిన ఎమోషన్స్, హీరో హీరోయిన్ మధ్య లవ్ ట్రాక్, తల్లి సెంటిమెంట్ అన్ని మిళితం కానున్నట్లు ఆయన స్పష్టం చేశారు. ఎల్లమ్మకు జానపద కళలకి మధ్య ఉన్న సంబంధం ఏంటి ?అనే విషయాన్ని కూడా ఈ సినిమాలో చూపించబోతున్నారట. దీంతో ఎల్లమ్మ సినిమా స్టోరీ లీక్ అయినట్లు సోషల్ మీడియాలో ఒక వార్త జోరుగా ప్రచారం అవుతుంది. అయితే ఈ సినిమాలో కూడా తెలంగాణ యాస భాష ఉండే అవకాశాలు మెండుగా కనిపిస్తున్నాయి. మొత్తానికైతే ఈ సినిమాతో వేణు మరో పగడ్బందీ విజయాన్ని సొంతం చేసుకోవాలని ప్రయత్నం చేస్తున్నారు. మరి బలగం రేంజ్ లో గుర్తింపు లభిస్తుందా లేదా అన్నది తెలియాల్సి ఉంది.