Vivo TWS 5e: ప్రముఖ స్మార్ట్‌ఫోన్ బ్రాండ్ వివో తమ సరికొత్త ఇయర్‌బడ్స్ Vivo TWS 5eను చైనా మార్కెట్లో విడుదల చేసింది. Vivo S60 ఫోన్‌తో పాటు లాంచ్ అయిన ఈ ఇయర్‌బడ్స్..

పాత మోడల్స్ కంటే మెరుగైన ఫీచర్లతో వచ్చాయి. ముఖ్యంగా డిజైన్, బ్యాటరీ లైఫ్ విషయంలో కంపెనీ చాలా మార్పులు చేసింది.

బడ్జెట్ ధరలోనే..

ఈ సరికొత్త ఇయర్‌బడ్స్ ధరను చైనాలో 229 యువాన్లుగా నిర్ణయించారు. భారతీయ కరెన్సీలో దీని విలువ సుమారు 3,200 రూపాయలుగా ఉంటుంది. ఇవి ప్రస్తుతం వివో అధికారిక వెబ్‌సైట్ ద్వారా కొనుగోలు చేయడానికి అందుబాటులో ఉన్నాయి. వినియోగదారుల కోసం వీటిని ఇంక్ బ్లాక్, వైట్, తియాన్‌క్వింగ్ వంటి ఆకర్షణీయమైన రంగుల్లో తీసుకొచ్చారు.

AC నుంచి వాటర్ లీక్ అవుతోందా? రూపాయి ఖర్చు లేకుండా ఇంట్లోనే ఫిక్స్ చేసే 4 ట్రిక్స్ ఇవిగో!

అద్భుతమైన ఆడియో క్వాలిటీ..

సంగీత ప్రియులను అలరించేలా ఇందులో 11 మిమీ డైనమిక్ డ్రైవర్లను అమర్చారు. ఇవి ఏఏసీ, ఎస్‌బీసీ, ఎల్‌సీ3 వంటి ఆడియో కోడెక్స్‌ను సపోర్ట్ చేస్తాయి. అంతేకాకుండా.. వివో ప్రత్యేకమైన డీప్‌ఎక్స్ 3.0 స్టీరియో సౌండ్ ఎఫెక్ట్స్, స్పేషియల్ ఆడియో సపోర్ట్ ఇందులో ఉన్నాయి. దీనివల్ల పాటలు వింటున్నప్పుడు, సినిమాలు చూస్తున్నప్పుడు థియేటర్ లాంటి ఫీలింగ్ కలుగుతుంది.

మెరుగైన నాయిస్ క్యాన్సిలేషన్..

Vivo TWS 5eలోని 55 డెసిబెల్స్ హైబ్రిడ్ అడాప్టివ్ యాక్టివ్ నాయిస్ క్యాన్సిలేషన్ ఫీచర్ ప్రత్యేక ఆకర్షణగా నిలుస్తుంది. ఇది చుట్టుపక్కల ఉండే శబ్దాలను బట్టి ఆటోమేటిక్‌గా నాయిస్ క్యాన్సిలేషన్ లెవెల్స్‌ను అడ్జస్ట్ చేసుకుంటుంది. దీనివల్ల ప్రయాణాల్లో కూడా ఎలాంటి ఇబ్బంది లేకుండా స్పష్టంగా ఫోన్ కాల్స్ మాట్లాడుకోవచ్చు.