Film industry: గ్లామర్ ప్రపంచంలో మెరిసిపోయే వెండితెర వెనుక కొన్ని చీకటి కోణాలు ఉంటాయని మరోసారి నిరూపితమైంది. టాలీవుడ్ నటి మదాలస శర్మ తాజాగా తనకు ఎదురైన ఒక భయంకరమైన 'కాస్టింగ్ కౌచ్' అనుభవాన్ని పంచుకున్నారు.

సినిమా ఛాన్స్ ఇస్తానని పిలిచి, ఒక స్టార్ డైరెక్టర్ తన ముందే బికినీ మార్చుకోమని అడిగిన వైనం ఇప్పుడు సినీ ఇండస్ట్రీలో హాట్ టాపిక్ అయ్యింది. ఆమె ధైర్యంగా స్పందించిన తీరు అందరినీ ఆశ్చర్యపరుస్తోంది.

ఆఫర్ పేరుతో పిలిచి:

ప్రముఖ టీవీ సీరియల్ ‘అనుపమ’తో మంచి గుర్తింపు తెచ్చుకున్న మదాలస శర్మ, కెరీర్ మొదట్లో ఎదురైన వేధింపుల గురించి ఓ పాడ్‌కాస్ట్‌లో ఓపెన్ అయ్యారు. అప్పటికి ఆమె వయసు కేవలం 19 ఏళ్లు మాత్రమే. ఒక పెద్ద సినిమా కోసం ఆడిషన్స్ ఉన్నాయని చెబితే వెళ్లిన ఆమెకు, అక్కడ దర్శకుడు కథ గురించి కాకుండా విపరీతమైన కోరికలతో షాక్ ఇచ్చాడు.

బికినీ వేసుకోవాలనే నిబంధన:

ఆ సినిమాలో హీరోయిన్ క్యారెక్టర్‌కు బికినీ వేసుకోవాల్సి ఉంటుందని ఆ దర్శకుడు చెప్పారు. కథ డిమాండ్ చేస్తే బికినీ వేసుకోవడం నటిగా తన బాధ్యత అని భావించిన మదాలస, దానికి ఓకే చెప్పారు. అయితే ఆ తర్వాతే ఆ డైరెక్టర్ తన అసలు రూపాన్ని బయటపెట్టాడు. అది కేవలం సినిమా కోసమే కాదని ఆమెకు అప్పుడే అర్థమైంది.

నా ముందే మార్చుకో అంటూ ఒత్తిడి:

“కెమెరా ముందు నువ్వు బికినీలో ఎలా ఉంటావో చూడాలి, నీ బాడీ లాంగ్వేజ్ చెక్ చేయాలి.. కాబట్టి ఇప్పుడే నా ముందే బట్టలు మార్చుకుని బికినీ వేసుకో” అని ఆ దర్శకుడు అడిగారు. ఈ మాట వినగానే మదాలస ఒక్కసారిగా షాక్ అయ్యారు. ఇక బాడీ లాంగ్వేజ్ పేరుతో అతను చేస్తున్న వంచనను ఆమె వెంటనే పసిగట్టారు.

స్టార్ డైరెక్టర్‌కు గట్టి కౌంటర్:

అలాంటి క్లిష్ట పరిస్థితుల్లో కూడా మదాలస భయపడలేదు. “నటిగా కథ కోసం బికినీ వేయడానికి నాకు అభ్యంతరం లేదు. కానీ మీ వ్యక్తిగత ఆనందం కోసం, మీ కళ్ల ముందు బట్టలు మార్చుకోవడం నా వృత్తి కాదు. నా టాలెంట్‌పై నమ్మకం ఉంటే అవకాశం ఇవ్వండి, లేదంటే తలుపు ఎటు వైపు ఉందో నాకు తెలుసు” అంటూ ఆ డైరెక్టర్ మొహం మీదే చెప్పి అక్కడి నుంచి గంభీరంగా నడిచి వచ్చేశారు.