Xiaomi Civi 6 Series: స్మార్ట్‌ఫోన్ మార్కెట్లో తనకంటూ ప్రత్యేక గుర్తింపు తెచ్చుకున్న షావోమీ.. ఇప్పుడు Civi సిరీస్‌లో సరికొత్త ఫోన్లను రంగంలోకి దింపేందుకు ప్లాన్ చేస్తోంది.

తాజా లీక్స్ ప్రకారం.. Xiaomi Civi 6, Xiaomi Civi 6 Pro మోడల్స్ త్వరలోనే మార్కెట్‌లో సందడి చేయనున్నాయి. ముఖ్యంగా కెమెరా క్లారిటీ, డిస్‌ప్లే విషయంలో ఈసారి కంపెనీ గట్టిగానే ప్లాన్ చేసినట్లు కనిపిస్తోంది.

డిస్‌ప్లే చూస్తే కళ్లకు విందే:

ఫోన్ చూడగానే ముందుగా మనల్ని ఆకట్టుకునేది దాని స్క్రీనే కదా. అందుకే ఈ కొత్త సిరీస్‌లో డిస్‌ప్లే విషయంలో భారీ మార్పులు చేశారు. మామూలు Civi 6 మోడల్ 6.59 అంగుళాల స్క్రీన్‌తో వస్తుంటే.. Pro వెర్షన్ మాత్రం 6.83 అంగుళాల భారీ స్క్రీన్‌తో వస్తోంది. ఈ రెండింటిలోనూ 1.5K రిజల్యూషన్ ఇస్తున్నారు. దీంతో సినిమా చూసినా, గేమ్స్ ఆడినా ఆ ఎక్స్‌పీరియన్స్ వేరే లెవల్‌లో ఉంటుందన్నమాట.

ఈసారి ప్రాసెసర్ అదుర్స్:

సాధారణంగా షావోమీ తమ Civi మోడల్స్‌లో స్నాప్‌డ్రాగన్ చిప్‌సెట్‌లను వాడుతుంటుంది. కానీ ఈసారి మాత్రం మీడియాటెక్ వైపు మొగ్గు చూపినట్లు తెలుస్తోంది. Civi 6లో డైమెన్సిటీ 8500 చిప్‌సెట్ వస్తుండగా.. Pro మోడల్‌లో ఇంకా పవర్‌ఫుల్ పర్ఫార్మెన్స్ కోసం డైమెన్సిటీ 9500 చిప్‌సెట్‌ను వాడుతున్నారట. దీనివల్ల ఫోన్ స్పీడ్ పెరగడమే కాకుండా.. మల్టీ టాస్కింగ్ కూడా చాలా సులభతరం కానుంది.

ఐఫోన్ రేంజ్ కెమెరా, సూపర్ స్పీడ్.. ఈ Vivo S50t ఫోన్ ఫీచర్లపై ఓ లుక్కేయండి!

5x ఆప్టికల్ జూమ్ ఫీచర్:

ఈసారి రెండు మోడల్స్‌లోనూ 50MP పెరిస్కోప్ కెమెరాను వాడుతున్నారు. ఇందులో ఉండే 5x ఆప్టికల్ జూమ్ ఫీచర్ వల్ల చాలా దూరంలో ఉన్న వస్తువులను కూడా పిక్సెల్స్ పగలకుండా చాలా క్లియర్‌గా ఫొటోలు తీసుకోవచ్చు. అలాగే ఇన్‌స్టా రీల్స్ చేసే వారికి, ఫొటోషూట్స్ అంటే ఇష్టపడే వారికి ఇది మంచి ఆప్షన్ అవుతుంది.

పాత మోడల్ కంటే పవర్‌ఫుల్:

గతేడాది వచ్చిన Civi 5 Proలో స్నాప్‌డ్రాగన్ 8s జెన్ 4 ప్రాసెసర్, పెద్ద బ్యాటరీ ఉండేవి. అయితే ఇప్పుడు రాబోతున్న Civi 6 Pro అంతకు మించిన ఫీచర్లతో వస్తోంది. తాజాగా లీకైన సమాచారం ప్రకారం.. ఈ ఫోన్ మన దేశానికి వచ్చేసరికి రూ.41,000 పైనే ఉండొచ్చు. ఫీచర్లను బట్టి చూస్తే ఈ ధర రీజనబుల్ అనిపిస్తోంది.