ఎంత ధర ఉండొచ్చు? ఫీచర్ల సంగతేంటి? విడుదల తేదీ ఎప్పుడు.. అంటూ నెట్టింట తెగ వెతికేస్తుంటారు. అలాంటి యూజర్లను దృష్టిలో పెట్టకున్ని కంపెనీ.. OnePlus16 అధికారిక టీజర్‌ను ఇటీవల విడుదల చేసింది.

చైనాలో జరిగిన ఒక టెక్ ఈవెంట్‌లో OnePlus16 గురించి కొన్ని ఆసక్తికర విషయాలను వెల్లడైంది. ముఖ్యంగా మొబైల్ గేమింగ్ ఇష్టపడే వారిని దృష్టిలో ఉంచుకుని, గేమ్ ఆడేటప్పుడు ఫోన్ వేడెక్కకుండా ఉండేందుకు ప్రత్యేకమైన 'ఫెంగ్చి గేమింగ్ కోర్' టెక్నాలజీని ఈ ఫోన్ ద్వారా అందిస్తున్నారు.

గేమింగ్ ప్రియుల కోసమే..

OnePlus16 డిస్‌ప్లే స్మార్ట్‌ఫోన్ మార్కెట్‌లోనే ప్రత్యేకంగా నిలవనుంది. దీనిలో 6.78 ఇంచుల ప్రీమియం OLED డిస్‌ప్లేను ఇస్తున్నారు. ఏకంగా 185Hz వరకు రిఫ్రెష్ రేట్ ఉండే అవకాశం ఉందని ప్రచారం జరుగుతోంది. దీనివల్ల గేమ్స్ ఆడేటప్పుడు, వీడియోలు చూసేటప్పుడు అత్యంత స్మూత్ అనుభూతి లభిస్తుంది. అంతేకాకుండా.. ఇది క్వాల్కమ్ స్నాప్‌డ్రాగన్ 8 ఎలీట్ జెన్ 6 ప్రొ చిప్‌సెట్‌తో పనిచేస్తుందని సమాచారం.

షాకింగ్ బ్యాటరీ కెపాసిటీ..

ఈ OnePlus16లో ప్రధానంగా చెప్పుకోవాల్సింది దీని బ్యాటరీ గురించే. ఏకంగా 9000mAh బ్యాటరీతో ఈ ఫోన్ రాబోతోంది. సాధారణంగా ఫ్లాగ్‌షిప్ ఫోన్లలో ఇంత పెద్ద బ్యాటరీ చూడటం చాలా అరుదు. నాన్‌స్టాప్‌గా గేమింగ్ ఆడినా, వీడియోలు చూసినా బ్యాటరీ అయిపోతుందనే భయం ఉండదు. దీనికి తోడు వేగంగా ఛార్జ్ అయ్యేలా ఫాస్ట్ ఛార్జింగ్ సపోర్ట్ కూడా అందించనున్నారు.

ఆకట్టుకునే కెమెరా సెటప్..

డిజైన్ పరంగా పాత మోడల్ ప్రీమియం లుక్‌నే కొనసాగిస్తూనే.. వెనుక వైపు కెమెరా డిజైన్‌లో కొన్ని మార్పులు చేశారు. కొత్తగా ఇచ్చే సర్క్యులర్ కెమెరా ఐలాండ్‌లో మెరుగైన సెన్సార్లను అందించబోతున్నారు. త్వరలోనే ఈ ఫోన్ మొదట చైనా మార్కెట్లో, ఆ తర్వాత భారత్ సహా ఇతర గ్లోబల్ మార్కెట్లలో విడుదల కానుంది. అధునాతన గేమింగ్ ఫీచర్లు, భారీ బ్యాటరీతో రాబోతున్న ఈ ఫోన్ మార్కెట్లో గట్టి పోటీ ఇచ్చేలా కనిపిస్తోంది.