Best mango markets in India 2026: మన దేశంలో రకరకాల మామిడి పండ్లు దొరుకుతాయి. ఇక్కడి రుచులు ప్రపంచవ్యాప్తంగా గుర్తింపు పొందాయి. ప్రతి ఏటా సమ్మర్ వచ్చిందంటే చాలు, మామిడి ప్రియులు మేలైన రకాల కోసం ఎదురుచూస్తుంటారు.

ఆల్ఫోన్సో నుంచి బంగినపల్లి వరకు, దశేరి నుంచి హింసాగర్ వరకు ప్రతి రకానికి ఒక ప్రత్యేకమైన మార్కెట్ ఉంది.మీరు 2026 సీజన్‌లో.. నాణ్యమైన, తాజా మామిడి పండ్లను నేరుగా హోల్‌సేల్ ధరలకే కొనాలనుకుంటే.. దేశంలోని ప్రసిద్ధ మార్కెట్ల గురించి తెలుసుకోవడం చాలా అవసరం. టాప్ 10 మామిడి మార్కెట్ల పూర్తి వివరాలు ఇప్పుడు మీకోసం..

బెస్ట్ మామిడి పండ్లు కొనేందుకు టాప్ 10 మార్కెట్లు

1. ఆజాద్‌పూర్ మండి, ఢిల్లీ:
ఆసియాలోనే అతిపెద్ద పండ్ల మార్కెట్‌గా ఇది ప్రసిద్ధి. నార్త్ ఇండియాలో ప్రధాన రకాలైన దశేరి, లంగ్రా, చౌసాతో పాటు దక్షిణాది నుంచి వచ్చే బంగినపల్లి (సఫేదా) ఇక్కడ ఎక్కువగా లభిస్తాయి. దేశం నలుమూలల నుంచి మామిడి పండ్లు ఇక్కడికి చేరుతాయి.

2. క్రాఫోర్డ్ మార్కెట్, ముంబై:
మీరు ప్రీమియం క్వాలిటీ ఆల్ఫోన్సో (హాపుస్) కోసం చూస్తుంటే.. క్రాఫోర్డ్ మార్కెట్ బెస్ట్ అని చెప్పొచ్చు. రత్నగిరి, దేవగడ్ నుంచి వచ్చే మేలైన పండ్లు ఇక్కడ దొరుకుతాయి. 2026 సీజన్‌లో ఎగుమతి రకం ఆల్ఫోన్సోకు ఇక్కడ విపరీతమైన డిమాండ్ ఉంది.

3. బోయినపల్లి మార్కెట్,హైదరాబాద్:
తెలుగు రాష్ట్రాల్లో అత్యంత పెద్ద మార్కెట్లలో ఇది ఒకటి. ముఖ్యంగా బంగినపల్లి, తోటపురి, ఇమామ్ పసంద్ , రసాలు ఇక్కడ ఎక్కువగా లభిస్తాయి. 2026లో కూడా ఇక్కడ వ్యాపారం జోరుగా సాగుతోంది. నాణ్యమైన పండ్లను హోల్‌సేల్ ధరలకే ఇక్కడ పొందొచ్చు.

4. వషీ APMC మార్కెట్, నవీ ముంబై :
ముంబైకి ప్రధాన సరఫరా కేంద్రం ఇది. కొంకణ్ బెల్ట్ నుంచి వచ్చే ఆల్ఫోన్సో పండ్లు నేరుగా ఇక్కడికే వస్తాయి. ఇక్కడ సహజంగా పండిన పండ్లను గుర్తించి కొనే సదుపాయం ఉంటుంది.

5. మలిహాబాద్ మార్కెట్, ఉత్తర ప్రదేశ్ :
లక్నో సమీపంలోని మలిహాబాద్‌ను ‘దశేరి మామిడి రాజధాని’ అంటారు. ఇక్కడి తోటల నుంచి నేరుగా మార్కెట్‌లోకి వచ్చే పండ్లు వాటి తీపికి, వాసనకు ప్రసిద్ధి. ఇక్కడ లభించే దశేరి రకం ప్రపంచవ్యాప్తంగా ఎగుమతి అవుతుంది.

6. కలిమతి , మాల్దా మార్కెట్, పశ్చిమ బెంగాల్:
పశ్చిమ బెంగాల్‌లోని మాల్దా జిల్లా మామిడి పండ్లకు కేరాఫ్ అడ్రస్. ఇక్కడ హింసాగర్, లంగ్రా, ఫజ్లీ రకాలు అత్యంత ప్రాచుర్యం పొందాయి. ముఖ్యంగా ఫైబర్ లేని హింసాగర్ పండ్లను కొనేందుకు జనం ఇక్కడికి క్యూ కడతారు.

7. కోయంబేడు మార్కెట్, చెన్నై :
తమిళనాడులోనే కాక దక్షిణాదిలోనే అతిపెద్ద పండ్ల మార్కెట్లలో ఇది ఒకటి. ఇక్కడ మల్గోవా, నీలం మరియు తోటపురి రకాలు విరివిగా లభిస్తాయి. హోల్‌సేల్ వ్యాపారులకు ఇది ప్రధాన అడ్డా.

రూ.50లోపు వేసవి తాపాన్ని తగ్గించే.. 6 అద్భుతమైన పండ్లు!