Paddy Procurement: స్వేచ్ఛ బ్యూరో: మాజీ మంత్రి జగదీష్ రెడ్డికి ఎంపీ చామల కిరణ్​ కుమార్ రెడ్డి కౌంటర్ ఇచ్చారు. కాంగ్రెస్ ప్రభుత్వం ధాన్యం కొనడం లేదని జగదీష్ రెడ్డి దుష్ప్రచారం చేస్తున్నారని మండిపడ్డారు.

జగదీష్ రెడ్డి గుంట నక్క కళ్లతో ధాన్యం కొనుగోళ్లు కనిపించడం లేదని ఎంపీ విమర్శించారు. బీఆర్ ఎస్ హయాంలో 2021-22 లో 6,609 కొనుగోలు కేంద్రాలు పెట్టగా, 2022-23 లో 7037 కొనుగోలు కేంద్రాలు పెట్టారన్నారు.

బీఆర్ఎస్ హయాంలో..

117.23 లక్షల మెట్రిక్ టన్నుల ధాన్యం కొనుగోలు బీఆర్ఎస్ హయాంలో జరిగిందన్నారు. కానీ కాంగ్రెస్ హయాంలో 2023-24 లో 7,178 కొనుగోలు కేంద్రాలు,2024-25 లో కాంగ్రెస్ ప్రభుత్వం 8,378 ద్వారా కొనుగోలు చేసిందన్నారు. 2025-26 లో 8,575 కొనుగోలు కేంద్రాలు పెట్టారన్నారు. ఎవరి హయంలో కొనుగోళ్లు ఎక్కువగా జరిగాయనేది? జగదీష్​ రెడ్డి అవగాహన చేసుకోవాలన్నారు.

Also read: బెంగాల్‌లో బీజేపీ సంచలనం.. ఇమామ్‌ల వేతనాలు రద్దు.. దీదీ అవినీతిపై విచారణ!

ఫామ్ హౌస్ నాయకుడు..

కాంగ్రెస్ ప్రభుత్వం రెండు ఏళ్ళలో 27,747.75 కోట్ల రూపాయలను రైతులకు ఇచ్చిందన్నారు. కళ్లు లేని నేతలు తమ ప్రభుత్వంపై దుష్ఫ్​రాచారం చేయడం సరికాదన్నారు. ఫామ్ హౌస్ నాయకుడు చెప్పినట్లు తప్పుడు ప్రచారాలు చేయడం బంద్ పెట్టుకోవాలన్నారు. సూర్యాపేట్ లో కేవలం 2 వేల కోట్లతో గెలిచిన జగదీష్ రెడ్డి, తమ ప్రభుత్వాన్ని విమర్శిస్తే ఊరుకోబోమని హెచ్చరించారు.