Summer Cooling Tips: జూన్ నెల మొదలైనప్పటికీ ఎండలు ఏమాత్రం తగ్గడం లేదు. రోజు రోజుకీ తన ప్రతాపాన్ని చూపిస్తోంది. ఈ నేపథ్యంలో మధ్యాహ్నం వేళ బయట నుంచి ఇంట్లోకి వస్తే గది నిప్పులా కొలిమిలా సెగలు కక్కుతున్నట్లు అనిపిస్తుంది.

ఈ వేడి తట్టుకోలేక చాలామంది రోజంతా ఏసీలు ఆన్ చేసి పెడుతుంటారు. దీనివల్ల నెల తిరిగేసరికి కరెంట్ బిల్లులు మోత మోగిపోతాయి. అయితే, వేల రూపాయల బిల్లులు పెట్టే ఏసీలు లేకుండానే.. కేవలం రూ.1000 లోపు ఖర్చుతో ఇంటిని చల్లబరుచుకునే అద్భుతమైన దేశీ చిట్కాలు కొన్ని ఉన్నాయి. అవేంటో ఇప్పుడు చూద్దాం.

ఇల్లు ఎందుకు వేడెక్కుతుంది?

ఇంటిని చల్లగా ఉంచుకోవాలంటే ముందుగా ఇల్లు ఎందుకు అంతగా వేడెక్కుతుందో తెలుసుకోవడం ముఖ్యం. రోజంతా పడే నడినెత్తి ఎండ వల్ల ఇంటి కాంక్రీట్ పైకప్పు విపరీతంగా వేడెక్కిపోతుంది. ఆ వేడి నెమ్మదిగా కిందికి దిగి గదులన్నింటినీ ఉడకబెట్టేస్తుంది. అందుకే మేడ మీది భాగాన్ని చల్లబరిస్తే ఇల్లు ఆటోమేటిక్‌గా కూల్ అవుతుంది.

రిఫ్లెక్టివ్ పెయింట్:

సాధారణంగా నలుపు లేదా ముదురు రంగులు వేడిని ఎక్కువగా పీల్చుకుంటాయి. అందుకే ఇంటి సర్ఫేస్ మీద తెల్లటి సున్నం లేదా హీట్ రిఫ్లెక్టివ్ పెయింట్ వేయడం చాలా మంచిది. ఇది సూర్యరశ్మిని తిరిగి వెనక్కి పంపేస్తుంది. దీనివల్ల పైకప్పు వేడెక్కదు. రూమ్ లోపల ఉష్ణోగ్రత కూడా చాలా వరకు తగ్గుతుంది.

గ్రీన్ షేడ్ నెట్:

నగరాల్లో ఇప్పుడు ఈ పద్ధతి బాగా పాపులర్ అవుతోంది. టెర్రస్ పైన గ్రీన్ కలర్ నెట్ ఏర్పాటు చేయడం వల్ల ఎండ నేరుగా సిమెంట్ స్లాబ్‌పై పడకుండా ఉంటుంది. ఈ గ్రీన్ నెట్లు మార్కెట్లో చాలా తక్కువ ధరకే లభిస్తాయి. ఇవి ఎండ తీవ్రతను అడ్డుకుని ఇల్లు చల్లగా ఉండేలా చూస్తాయి.

ఏసీ సర్వీసింగ్ చేయిస్తున్నారా? టెక్నీషియన్లు చెప్పే ఈ అబద్ధాలతో జాగ్రత్త.. లేదంటే కొంప ముంచుతారు!

మిద్దె తోటలు, మొక్కలు:

ఇంటి పైన కాస్త ఖాళీ స్థలం ఉంటే చిన్నపాటి కుండీల్లో మొక్కలు పెంచడం అలవాటు చేసుకోవాలి. మొక్కలు ఉన్నచోట సహజంగానే చల్లదనం ఉంటుంది. ఇవి సూర్యరశ్మిని నేరుగా కాంక్రీట్‌కు తాకనివ్వవు. పైగా ఈ పచ్చదనం వల్ల ఇంటి వాతావరణం ఆహ్లాదకరంగా మారి వేడి నుంచి ఉపశమనం లభిస్తుంది.

మధ్యాహ్నం వేళ నీళ్లు చల్లడం: