Peddi Bookings Delay: రామ్‌చరణ్, బుచ్చిబాబు సానా కాంబినేషన్‌లో వస్తున్న మోస్ట్ అవేటెడ్ స్పోర్ట్స్ డ్రామా 'పెద్ది' (Peddi) జూన్ 4న ప్రపంచవ్యాప్తంగా గ్రాండ్‌గా విడుదల కావడానికి సిద్ధంగా ఉంది.

అయితే, రిలీజ్ డేట్ దగ్గరపడుతున్నా.. దేశవ్యాప్తంగా ఉన్న కీలక మార్కెట్లలో బుకింగ్స్ ఆశించిన స్థాయిలో ఓపెన్ కాకపోవడం, కొన్ని చోట్ల అసలు ఊసే లేకపోవడం ఫ్యాన్స్‌ను, ట్రేడ్ వర్గాలను తీవ్ర గందరగోళానికి గురిచేస్తోంది. ఆంధ్రప్రదేశ్‌లో ప్రభుత్వం నుంచి ప్రీమియర్ షోలు, టికెట్ల రేట్ల పెంపునకు క్లియరెన్స్ వచ్చేసినప్పటికీ.. మిగిలిన ప్రధాన రీజియన్లలో బుకింగ్స్ ఆలస్యం అవుతున్నాయి.

Read also-Horror OTT Movie: మగాళ్ల పై మోజుపడే మోహిని.. సీన్ కో ట్విస్ట్.. ఒంటరిగా చూస్తే అంతే..

1. నిజాం (తెలంగాణ)

తెలంగాణ (నైజాం) ఏరియాలో బుకింగ్స్ ఇంకా పూర్తిస్థాయిలో ఓపెన్ కాకపోవడానికి ప్రధానంగా రెండు కారణాలు ఉన్నాయి.

థియేటర్ల రెంటల్ వివాదం: ఇటీవల టాలీవుడ్‌లో ప్రొడ్యూసర్లు, ఎగ్జిబిటర్ల మధ్య పర్సంటేజ్ ఆధారిత రెఫెన్యూ షేరింగ్, థియేటర్ల అద్దె విషయంలో పెద్ద చర్చ నడిచింది. చిరంజీవి మధ్యవర్తిత్వంతో ఈ సమస్యకు జూలై 3 నుండి కొత్త విధానం అమలు చేయాలని తాత్కాలికంగా ఒక ముగింపు పలికినప్పటికీ, గ్రౌండ్ లెవెల్‌లో థియేటర్ల ఒప్పందాలు ఆలస్యమయ్యాయి.

ప్రభుత్వ అనుమతులు: ఆంధ్రప్రదేశ్‌లో జూన్ 3 రాత్రి 8 గంటల నుంచే ప్రీమియర్ షోలకు మరియు టికెట్ ధరల పెంపునకు జీవో (GO) వచ్చేసింది. కానీ తెలంగాణ ప్రభుత్వం నుండి అఫీషియల్ రేట్ ఐదో షో అనుమతుల జీవో ఆలస్యం కావడం వల్ల మల్టీప్లెక్స్‌లు, సింగిల్ స్క్రీన్స్ బుకింగ్స్ హోల్డ్‌లో పడ్డాయి.

2. నార్త్ ఇండియా

ఉత్తరాది మార్కెట్‌లో లిమిటెడ్ అడ్వాన్స్ బుకింగ్స్ మాత్రమే ఓపెన్ అయ్యాయి. PVR-Inox, Cinepolis వంటి పెద్ద జాతీయ మల్టీప్లెక్స్ చైన్స్ (PIC) లో ఇంకా బుకింగ్స్ ఊపందుకోకపోవడానికి కారణం.

OTT విండో నిబంధన: నార్త్ ఇండియా మల్టీప్లెక్స్ అసోసియేషన్స్.. థియేటర్ రిలీజ్ అయిన 8 వారాల తర్వాతే ఓటీటీలో సినిమాను స్ట్రీమింగ్ చేయాలనే కఠినమైన రూల్‌ను పాటిస్తాయి. సౌత్ ప్రొడ్యూసర్లు సాధారణంగా 4 లేదా 6 వారాల ఓటీటీ ఒప్పందాలు చేసుకోవడానికి మొగ్గు చూపుతారు. ఈ టైమ్ విండో లాక్ కావడంపై ప్రొడ్యూసర్స్, నేషనల్ మల్టీప్లెక్స్ యాజమాన్యాల మధ్య అగ్రిమెంట్లు పూర్తి కావాల్సి ఉంది.

3. కర్ణాటక

బెంగళూరుతో పాటు కర్ణాటకలోని మేజర్ మల్టీప్లెక్స్‌లలో బుకింగ్స్ పెండింగ్‌లో ఉన్నాయి.

ప్రీమియర్ షోల క్లారిటీ: జూన్ 3 రాత్రి కన్నడ వెర్షన్‌తో పాటు తెలుగు ప్రీమియర్ల కోసం డిస్ట్రిబ్యూటర్లు ప్లాన్ చేస్తున్నారు. అయితే స్థానిక అథారిటీల నుండి అర్ధరాత్రి/లేట్ నైట్ షోలకు పర్మిషన్లు రావడం ఆలస్యం కావడం, షో టైమింగ్స్ ఇంకా ఫైనలైజ్ కాకపోవడంతో థియేటర్లు సేల్స్ ఓపెన్ చేయలేదు.