కానీ, ఇటలీలోని మిలాన్ నగరంలో ఉన్న మోనుమెంటల్ సిమెటరీ మాత్రం ఇందుకు పూర్తిగా భిన్నంగా ఉంటుంది. ఇక్కడ అడుగుపెడితే స్మశానవాటికలోకి వచ్చామా? లేదంటే ఏదైనా మ్యూజియానికి వచ్చామా? అనే డౌట్ వస్తుంది. అద్భుతమైన నిర్మాణాలు, భారీ సమాధులు, పాలరాతి శిల్పాలు, కళాత్మకమైన అలంకరణలతో ఈ ప్రదేశం ప్రపంచ వ్యాప్తంగా గుర్తింపు పొందింది. అందుకే దీనిని ప్రపంచంలోనే అత్యంత అందమైన స్మశానవాటికగా పిలుస్తుంటారు.

రాజమహల్‌ను తలపించే ప్రవేశద్వారం

మోనుమెంటల్ సిమెటరీలోకి వెళ్లగానే ముందుగా కనిపించేది అందమైన నిర్మాణ శైలి. సాధారణ స్మశానవాటికల మాదిరిగా కాకుండా ఇక్కడి ప్రధాన నిర్మాణాలు భారీ భవనాలను తలపిస్తాయి. ప్రత్యేకమైన వాస్తుశైలితో నిర్మించిన సమాధులు, స్తంభాలు, గోపురాల లాంటి నిర్మాణాలు సందర్శకులను ఆకట్టుకుంటాయి. ఒకప్పుడు ఇటలీలోని సంపన్న కుటుంబాలు తమ కుటుంబ సభ్యుల కోసం నిర్మించిన సమాధులు కూడా ఇక్కడ కనిపిస్తాయి.

సమాధులపై అద్భుతమైన శిల్పాలు

ఈ స్మశానవాటికకు అసలు ప్రత్యేకత ఇక్కడ కనిపించే శిల్పకళ. తెల్లని పాలరాతితో తయారు చేసిన దేవతల ఆకృతులు, మనుషుల శిల్పాలు, దుఃఖాన్ని ప్రతిబింబించే విగ్రహాలు, వివిధ కళాత్మక డిజైన్లతో సమాధులను అలంకరిస్తారు. కొన్ని శిల్పాలు ఎంత సహజంగా కనిపిస్తాయంటే.. వాటిని చూస్తున్నప్పుడు అవి నిజమైన మనుషులా అనిపిస్తాయి. ఒక్కో సమాధి వెనుక ఒక్కో కుటుంబం, ఒక్కో వ్యక్తి జీవితానికి సంబంధించిన కథ కనిపిస్తుంది.

ఆర్ట్ గ్యాలరీని తలపించేలా..

మోనుమెంటల్ సిమెటరీని చాలామంది కేవలం స్మశానవాటికగా కాకుండా ఓపెన్ ఎయిర్ మ్యూజియంగా భావిస్తారు. ఎందుకంటే ఇక్కడ అడుగడుగునా కళాత్మక నిర్మాణాలు, శిల్పాలు కనిపిస్తాయి. ఇటలీ చరిత్ర, సంస్కృతి, కళలతో సంబంధం ఉన్న అనేక ప్రముఖుల సమాధులు కూడా ఇక్కడ ఉన్నాయి. వాటి నిర్మాణం, శిల్పాలు, అలంకరణలు ఆ కాలం నాటి కళా నైపుణ్యాన్ని ప్రతిబింబిస్తాయి.

మిలాన్‌కు వెళ్లే పర్యాటకుల్లో చాలామంది ఈ స్మశానవాటికను కూడా సందర్శిస్తుంటారు. సాధారణంగా పర్యాటక ప్రదేశాలంటే చారిత్రక భవనాలు, మ్యూజియాలు, చర్చిలు లేదా ప్రకృతి అందాలు గుర్తుకు వస్తాయి. కానీ, మోనుమెంటల్ సిమెటరీ మాత్రం వాటికి భిన్నమైన అనుభూతిని అందిస్తుంది. ఇక్కడి ప్రశాంత వాతావరణంతో పాటు కళాత్మకమైన సమాధులు, భారీ శిల్పాలు, పురాతన నిర్మాణాలు సందర్శకులను ఆకట్టుకుంటాయి.

మరణం కూడా కళగా కనిపించే ప్రదేశం!

మోనుమెంటల్ సిమెటరీ ప్రత్యేకత కేవలం దాని అందంలోనే లేదు. మనిషి జీవితానికి ముగింపు అయిన మరణాన్ని కూడా కళ, నిర్మాణం, జ్ఞాపకాల రూపంలో ఎలా చూపించవచ్చో ఈ ప్రదేశం తెలియజేస్తుంది. అందుకే మిలాన్‌లోని ఈ స్మశానవాటికను చూసినవారికి సాధారణ స్మశానవాటికలో ఉన్న అనుభూతి కలగదు. చరిత్ర, కళ, శిల్పకళ కలిసిన ఓ ప్రత్యేక ప్రపంచంలోకి వెళ్లిన భావన కలుగుతుంది.

మాజీ ప్రేమికులు కలిసే స్పెషల్ మార్కెట్.. భార్యలే 'వెళ్లి రా' అంటారట!