ఈ విషయాన్ని సోషల్ మీడియా ద్వారా వెల్లడించడంతో సినిమా ఒక్కసారిగా హాట్ టాపిక్‌గా మారింది.

రొమాంటిక్ హీరోగా అర్జున్ దాస్

ఇప్పటికే విడుదలైన పోస్టర్లు, పాటలు ప్రేక్షకులను బాగా ఆకట్టుకున్నాయి. ముఖ్యంగా అర్జున్ దాస్, అదితి శంకర్ జోడీకి మంచి రెస్పాన్స్ వస్తోంది. ఇప్పటి వరకు ఎక్కువగా విలన్ పాత్రల్లో కనిపించిన అర్జున్ దాస్.. ఈసారి మాత్రం పూర్తి స్థాయి రొమాంటిక్ హీరోగా కనిపించబోతుండటంతో అభిమానులు ఆసక్తిగా ఎదురుచూస్తున్నారు.

అదితి శంకర్‌పై భారీ అంచనాలు

అదితి శంకర్ కూడా వరుస సినిమాలతో తనకంటూ ప్రత్యేక గుర్తింపు తెచ్చుకుంటోంది. ఈ సినిమాలో ఆమె పాత్ర చాలా నేచురల్‌గా ఉంటుందని, అర్జున్ దాస్‌తో ఆమె కెమిస్ట్రీ సినిమాకు ప్రధాన బలంగా నిలుస్తుందని మూవీ టీమ్ చెబుతోంది.

ఈ సినిమాకు విఘ్నేశ్ శ్రీకాంత్ దర్శకత్వం వహిస్తున్నారు. ప్రేమ, భావోద్వేగాలు, ఫ్యామిలీ ఎలిమెంట్స్ కలిసిన కథతో ఈ సినిమా తెరకెక్కినట్లు సమాచారం. యువతతో పాటు ఫ్యామిలీ ఆడియన్స్‌ను కూడా ఆకట్టుకునేలా సినిమాను రూపొందించినట్లు తెలుస్తోంది.

హేషమ్ మ్యూజిక్ మరో హైలైట్

ఈ చిత్రానికి సంగీతం అందిస్తున్న హేషమ్ అబ్దుల్ వహాబ్ కూడా మెయిన్ ఎసెట్ అనే చెప్పాలి. ‘హృదయం’, ‘హాయ్ నాన్న’ సినిమాలకు అద్భుతమైన సంగీతం ఇచ్చిన ఆయన, ఇప్పుడు ఈ సినిమాతో తమిళ చిత్రసీమలో అడుగుపెడుతుండటం విశేషం.ఇక ఇప్పటికే విడుదలైన పాటలు మంచి స్పందన తెచ్చుకోవడంతో మ్యూజిక్‌పై అంచనాలు మరింత పెరిగాయి.

సోనా ఒలికల్ కీలక పాత్రలో నటిస్తున్న ఈ సినిమాకు అరవింద్ విశ్వనాథన్ సినిమాటోగ్రఫీ అందించగా, నాష్ ఎడిటింగ్ చేశారు. రాజ్ కమల్ ఆర్ట్ డైరెక్టర్‌గా పనిచేశారు. మిలియన్ డాలర్ స్టూడియోస్ బ్యానర్‌పై యువరాజ్ గణేశన్ ఈ సినిమాను నిర్మిస్తున్నారు.

బాక్సాఫీస్ దగ్గర మ్యాజిక్ చేస్తుందా?

రిలీజ్ డేట్ ప్రకటించిన తర్వాత సోషల్ మీడియాలో అభిమానులు తమ ఆనందాన్ని పంచుకుంటున్నారు. “అర్జున్ దాస్‌ను లవర్ బాయ్‌గా చూడాలని ఉంది”, “హేషమ్ మ్యూజిక్ కోసం వెయిట్ చేస్తున్నాం”, “ఈ జోడీకి హిట్ ఖాయం” అంటూ కామెంట్లు చేస్తున్నారు. ప్రస్తుతం ఉన్న బజ్‌ను చూస్తుంటే ఆగస్టు 28న విడుదలయ్యే ‘వన్స్ మోర్’ మంచి ఓపెనింగ్స్ సాధించే అవకాశాలు గట్టిగానే కనిపిస్తున్నాయి.చూడాలి ఈ సినిమాతోనైనా అదితి శంకర్ బాక్సాఫీస్ వద్ద సాలిడ్ హిట్ చూస్తుందో లేదో !