Best ACs Under Rs 30,000: తెలుగు రాష్ట్రాల్లో ఉష్ణోగ్రతలు మండిపోతుండటంతో ఏసీలకు డిమాండ్ మరింత పెరిగిపోతోంది. తక్కువ బడ్జెట్ లో మంచి ఏసీల కోసం ప్రజలు తెగ సెర్చ్ చేస్తున్నారు.

ఈ నేపథ్యంలో మార్కెట్లో రూ.30,000లోపు బడ్జెట్లో లభిస్తున్న టాప్ కంపెనీలకు చెందిన ఏసీలను ఈ కథనంలో అందించడం జరుగుతోంది. వాటి ఫీచర్లు, ధర ఆధారంగా మీకు నచ్చిన దానిని సెలక్ట్ చేసుకోండి.

వోల్టాస్ 1.5 టన్ 5 స్టార్ ఏసీ

ఏసీ మధ్యస్తంగా ఉన్న గదులకు సరిగ్గా సరిపోతుంది. 5 స్టార్ రేటింగ్ తో రావడం వల్ల విద్యుత్ ను చాలా పొదుపుగా వినియోగిస్తుంది. దీనిలోని 5 ఇన్ 1 కన్వర్టిబుల్ ఫీచర్.. మీ అవసరానికి అనుగుణంగా కూలింగ్ ను అడ్జస్ట్ చేసేందుకు ఉపయోగపడుతుంది. అలాగే యాంటీ డస్ట్ ఫిల్టర్లు.. గాలిలోని దుమ్ము, దూళిని తొలగిస్తాయి. మార్కెట్ లో ఈ ఏసీ ధర సుమారు రూ.29,999గా ఉంది.

క్యారియర్ 1.5 టన్ 5 స్టార్ విండో ఏసీ

గోడకు కాకుండా కిటికీలకు అమర్చుకునే ఏసీ కోసం చూస్తుంటే దీనిని ట్రై చేయండి. దీనిలోని 4 ఇన్ 1 ఫిల్టర్లు.. దుమ్ము, బ్యాక్టీరియా, దుర్వాసనలను అరికట్టి స్వచ్ఛమైన చల్లగాలిని అందిస్తుంది. అలాగే సూపర్ టర్బో మోడ్ ఫీచర్.. గదిని వేగంగా చల్లబరిచేందుకు సాయపడుతుంది. దీనిలోని ఎనర్జీ సేవర్ మోడ్ ను ఉపయోగించి.. కరెంటు వినియోగాన్ని ఆదా చేసుకోవచ్చు. మార్కెట్ లో ఈ విండో ఏసీ ధర సుమారుగా రూ.27,490గా ఉంది.

డైకిన్ 1 టన్ 3 స్టార్ ఏసీ

ఇంట్లో చిన్న గదులు ఉంటే ఈ ఏసీ సరిగ్గా సరిపోతుంది. మంచి ఇన్వర్టర్ టెక్నాలజీతో ఇది అందుబాటులోకి వచ్చింది. దీనిలో ప్రధాన ఫీచర్ల విషయానికి వస్తే.. ఎకొనొ మోడ్ (Econo Mode) కరెంటు బిల్లు మరీ ఎక్కువ రాకుండా నియంత్రిస్తుంది. పీఎం 2.5 ఫిల్టర్లు.. గాలిలోని అతి సూక్ష్మమైన హానికారక క్రిములను తొలగిస్తుంది. అలాగే తక్కువ శబ్దంతో పనిచేసే నియో స్వింగ్ కంప్రెసర్ ద్వారా రాత్రిళ్లు హాయిగా నిద్రపోవచ్చు. దీని ధర సుమారు రూ.29,990

Lloyd 1 టన్ 3 స్టార్ ఏసీ

తక్కువ బడ్జెట్‌లో మంచి ఫీచర్లు ఉన్న ఏసీ కోరుకుంటే దీన్ని ట్రై చేయవచ్చు. ఏసీ ప్యానెల్‌పై ఉష్ణోగ్రతను చూపించే స్టైలిష్ డిస్‌ప్లేను ఇది కలిగి ఉంది. దీనిలోని టర్బో కూల్ ఫీచర్.. కొన్ని నిమిషాల్లోనే గదిని చల్లగా మార్చేస్తుంది. ఇందులో స్వచ్ఛమైన గాలిని అందించే క్లీన్ ఎయిర్ ఫిల్టర్లు అందించారు. ఒకవేళ రన్నింగ్ సమయంలో పవర్ పోతే.. పాత సెట్టింగ్స్ తోనే రీస్టార్ట్ అయ్యేలా ఈ ఏసీని డిజైన్ చేశారు. కాగా ఇది రూ.25,999కు మార్కెట్లో అందుబాటులో ఉంది.