Best Mileage Cars Under Rs.5 Lakh:మన దేశంలో చాలా మంది తక్కువ ధరలో మంచి కార్ల కోసం చూస్తుంటారు. ముఖ్యంగా మధ్యతరగతి ప్రజలు, అదీ తొలిసారి కారు కొనుగోలు చేయాలనుకునే వాళ్లు రూ.

5 లక్షల లోపు కారు కొనాలనుకుంటారు. ఈ ధర పరిధిలో కూడా చక్కటి మైలేజ్, గుడ్ లుకింగ్ కార్లు మార్కెట్లో అందుబాటులో ఉన్నాయి. ముఖ్యంగా మారుతి సుజుకి, టాటా మోటార్స్ లాంటి కంపెనీలు తక్కువ ధరలో మంచి ఫీచర్లతో కార్లను అందిస్తున్నాయి. ఇంతకీ అవేంటనేది ఇప్పుడు తెలుసుకుందాం..

⦿ మారుతి సుజుకి ఎస్-ప్రెస్సో

ఈ సెగ్మెంట్‌ లో ఎక్కువ మంది సెలెక్ట్ చేసుకునే కార్లలో ఒకటి మారుతి సుజుకి ఎస్-ప్రెస్సో. చిన్న సైజ్ లో ఉండే ఈ కారు SUV లుక్‌ తో కనిపించడం దీని ప్రత్యేకత. సిటీ డ్రైవింగ్‌కు ఇది చాలా సౌకర్యంగా ఉంటుంది. 1.0 లీటర్ పెట్రోల్ ఇంజన్‌ తో వస్తుందిజ మైలేజ్ కూడా బాగుంటుంది. CNG వేరియంట్ కూడా ఉండటం వల్ల ఖర్చు తగ్గించుకోవాలనుకునేవారికి బెస్ట్ ఆప్షన్ గా చెప్పుకోవచ్చు.

⦿ మారుతి సుజుకి ఆల్టో K10

ఈ కారు చాలా సంవత్సరాలుగా భారతీయ కుటుంబాలను ఆకట్టుకుంటుంది. తక్కువ మెయింటెనెన్స్ ఖర్చు, సింపుల్ డ్రైవింగ్ ఎక్స్ పీరియెన్స్ ప్లస్ పాయింట్లు. 1.0 లీటర్ ఇంజన్‌ తో వస్తుంది. మొదటిసారి కారు కొనేవారికి ఇది సేఫ్ ఆప్షన్ గా చెప్పుకోవచ్చు.

⦿ రెనాల్ట్ క్విడ్

కొంచెం స్టైలిష్‌ గా కనిపించే కారు కావాలనుకునేవారికి రెనాల్ట్ క్విడ్ మంచి ఎంపిక. SUV స్టైల్ డిజైన్‌ తో పాటు ఆధునిక ఫీచర్లు ఇందులో లభిస్తాయి. ఇతర కార్లతో పోలిస్తే కొంచెం పవర్‌ ఫుల్ ఇంజన్ ఉండటం, అలాగే ఆటోమేటిక్ ఆప్షన్ ఉండటం వల్ల సిటీలో ఉపయోగించడానికి అనుకూలంగా ఉంటుంది.

⦿ టాటా టియాగో

బలమైన బిల్డ్ క్వాలిటీ, భద్రతా ఫీచర్లు కావాలనుకునే వారికి టాటా టియాగో మంచి ఆప్షన్. ఈ ధర పరిధిలో మంచి సేఫ్టీ కలిగిన కార్లలో బెస్ట్ ఆప్షన్. మంచి డ్రైవింగ్‌ ఎక్స్ పీరియెన్స్, కంఫర్ట్ గా ఉంటుంది. కొంచెం ప్రీమియం ఫీలింగ్ కోరుకునేవారికి చక్కగా సరిపోతుంది.