ఒక ఫోన్ కెమెరాతో ఆకట్టుకుంటే.. మరో ఫోన్ బ్యాటరీతో మెప్పిస్తుంది. ఇంకొకటి పెద్ద డిస్‌ప్లేతో, మరొకటి కాంపాక్ట్ డిజైన్‌తో ప్రత్యేకంగా నిలుస్తుంది. ఇన్ని మోడల్స్‌లో మీ అవసరానికి సరిపోయే ఫోన్ ఏదో తెలుసుకోవడమే అసలు విషయం. ఈ నేపథ్యంలో 2026లో శాంసంగ్ అందిస్తున్న ముఖ్యమైన మోడళ్లలో ఏ ఫోన్ దేనికి బెస్ట్‌గా నిలుస్తుందో ఇప్పుడు చూద్దాం.

Samsung Galaxy S26

చిన్న సైజులో ప్రీమియం ఫోన్ కావాలనుకునేవారికి Samsung Galaxy S26 బెస్ట్ ఆప్షన్. దీనిలో 6.3 అంగుళాల అమోలెడ్ స్క్రీన్, 120Hz రిఫ్రెష్ రేట్ ఉన్నాయి. గరిష్ఠంగా 2600 నిట్స్ బ్రైట్‌నెస్ ఉండటంతో ఎండలో కూడా స్క్రీన్ స్పష్టంగా కనిపిస్తుంది. 50MP ప్రధాన కెమెరాతో పాటు 10MP టెలిఫోటో, 12MP అల్ట్రావైడ్ కెమెరాలు ఉన్నాయి. అలాగే ఈ ఫోన్ కెమెరాతో 8k వీడియో తీయొచ్చు. మార్కెట్‌ను బట్టి స్నాప్‌డ్రాగన్ లేదా ఎక్సినోస్ ప్రాసెసర్ లభిస్తుంది. 4300mAh బ్యాటరీ, 25W వైర్డ్, 15W వైర్‌లెస్ ఛార్జింగ్ ఉన్నాయి.

Samsung Galaxy S26 Ultra

కెమెరా, మంచి పనితీరు కోరుకునేవారికి Samsung Galaxy S26 Ultra ఉత్తమం. దీనిలో 200MP ప్రధాన కెమెరా, 50MP అల్ట్రావైడ్ కెమెరా ఉన్నాయి. 3x, 5x ఆప్టికల్ జూమ్‌తో దూరంలోని వస్తువులను కూడా బాగా ఫొటో తీయొచ్చు. 5000mAh బ్యాటరీ, 60W వైర్డ్, 25W వైర్‌లెస్ ఛార్జింగ్ ఉన్నాయి. భారత్‌లో దీని ప్రారంభ ధర రూ.1,24,999గా ఉంది. ఎక్కువ ఖర్చు చేయడానికి సిద్ధంగా ఉన్న కెమెరా ప్రియులకు ఇది ఆకట్టుకునే ఫోన్.

Samsung Galaxy S26 FE

ఫ్లాగ్‌షిప్ ఫీచర్లు కావాలి కానీ Ultra స్థాయి ధర వద్దు అనుకునేవారికి Samsung Galaxy S26 FE సరిపోతుంది. 6.7 అంగుళాల అమోలెడ్ డిస్‌ప్లే, 120Hz రిఫ్రెష్ రేట్ ఉన్నాయి. 4900mAh బ్యాటరీతో పాటు 45W ఫాస్ట్ ఛార్జింగ్, రివర్స్ వైర్‌లెస్ ఛార్జింగ్ ఉన్నాయి. 50MP ప్రధాన కెమెరా, 8MP టెలిఫోటో, 12MP అల్ట్రావైడ్ కెమెరాలు ఉన్నాయి. 8k వీడియో రికార్డింగ్ కూడా చేయొచ్చు. ఎక్సినోస్ 2500 ప్రాసెసర్ రోజువారీ పనులకు మంచి పనితీరు అందిస్తుంది.

Samsung Galaxy Z Fold 8 Ultra

ఫోన్‌తో పాటు పెద్ద స్క్రీన్ అనుభవం కావాలనుకునేవారికి Samsung Galaxy Z Fold 8 Ultra ప్రత్యేకమైనది. పుస్తకం లాగా తెరుచుకునే డిజైన్ వల్ల ఒకేసారి అనేక పనులు చేయడం, వీడియోలు చూడటం, చదవడం సులభమవుతుంది. స్నాప్‌డ్రాగన్ 8 ఎలైట్ జెన్ 5 ప్రాసెసర్, 5000mAh బ్యాటరీ ఉన్నాయి. కెమెరాల్లో 200MP ప్రధాన సెన్సర్, 50MP అల్ట్రావైడ్, 10MP టెలిఫోటో ఉన్నాయి. భారత్‌లో దీని ప్రారంభ ధర సుమారు రూ.1.95 లక్షలు. అందుకే ఇది అధిక బడ్జెట్ ఉన్న వారికి సరిపోతుంది.

Samsung Galaxy A57 5G

మధ్యస్థ ధరలో ప్రీమియం ఫీచర్లు కావాలంటే Samsung Galaxy A57 5Gను చూడొచ్చు. దీనిలో 6.7 అంగుళాల సూపర్ అమోలెడ్ ప్లస్ స్క్రీన్, 120Hz రిఫ్రెష్ రేట్, HDR10+ ఉన్నాయి. 5000mAh బ్యాటరీ, 45W ఛార్జింగ్, ఐపీ68 రక్షణ, 50MP ప్రధాన కెమెరా ఉన్నాయి. దీని ప్రారంభ ధర రూ.56,999గా ఉంది. తక్కువ బడ్జెట్‌లో 5G కావాలంటే Samsung Galaxy A07 5G ఉపయోగకరంగా ఉంటుంది. దీనిలో 6.7 అంగుళాల డిస్‌ప్లే, 6000mAh బ్యాటరీ, డైమెన్సిటీ 6300 ప్రాసెసర్, 50MP ప్రధాన కెమెరా ఉన్నాయి. 6 ప్రధాన ఆండ్రాయిడ్ అప్‌డేట్లు, ఆరేళ్ల సెక్యూరిటీ అప్‌డేట్లు లభిస్తాయి. దీని ప్రారంభ ధర రూ.18,999గా ఉంది.