How to increase smartphone lifespan: ప్రస్తుత డిజిటల్ యుగంలో స్మార్ట్‌ఫోన్ మన జీవితంలో ఒక ముఖ్యమైన భాగమైపోయింది. రూ.15 వేల బడ్జెట్ ఫోన్ అయినా, రూ.

లక్ష ప్రీమియం ఫోన్ అయినా.. చాలా మంది కొన్న ఏడాదికే అది స్లో అయిపోతోందని లేదా బ్యాటరీ త్వరగా అయిపోతోందని బాధపడుతుంటారు. దీనికి ప్రధాన కారణం ఫోన్ తయారీ లోపం కాదు. మనం రోజూ చేసే కొన్ని చిన్న చిన్న తప్పులే. ముఖ్యంగా ఫోన్‌ను 100% ఛార్జ్ చేయడం, స్టోరేజ్ పూర్తిగా నింపేయడం వల్ల ఫోన్ ఆయుష్షు సగానికి సగం తగ్గిపోతుంది. మీ స్మార్ట్‌ఫోన్ జీవితకాలాన్ని పొడిగించడానికి ఉపయోగపడే 5 చిట్కాలను ఇప్పుడు తెలుసుకుందాం.

స్మార్ట్‌ఫోన్ త్వరగా పాడవకుండా ఉండటానికి 5 చిట్కాలు:

మొబైల్ ఫోన్ ఎక్కువ కాలం కొత్త దానిలా పని చేయాలంటే అంతర్గత సాఫ్ట్‌వేర్, హార్డ్‌వేర్ రెండింటినీ జాగ్రత్తగా చూసుకోవాలి. అందుకోసం ఈ కింది నియమాలను తప్పక పాటించండి.

1. 100% ఛార్జింగ్ వద్దు.. 20-80 రూల్ :
చాలా మంది ఫోన్ ఛార్జింగ్ 100% అయ్యే వరకు అలాగే ఉంచుతారు. కొందరైతే రాత్రంతా ఛార్జింగ్‌లోనే వదిలేస్తుంటారు. లేటెస్ట్ స్మార్ట్‌ఫోన్లలో వాడే ‘లిథియం-అయాన్’బ్యాటరీలపై పూర్తి ఛార్జింగ్ , పూర్తిగా ఖాళీ అవ్వడం (0%) తీవ్రమైన ఒత్తిడిని కలిగిస్తాయి. దీని వల్ల బ్యాటరీ సైకిల్స్ త్వరగా క్షీణిస్తాయి.

చిట్కా: మీ ఫోన్ ఛార్జింగ్ ఎల్లప్పుడూ 20% నుంచి 80% మధ్య ఉండేలా చూసుకోండి. దీనినే ‘గోల్డెన్ రూల్’ అంటారు. దీని వల్ల బ్యాటరీ జీవితకాలం రెట్టింపు అవుతుంది.

2. పూర్తి స్టోరేజ్ ఫోన్ వేగాన్ని, ఆయుష్షును తగ్గిస్తుంది:
మొబైల్ స్టోరేజ్ పూర్తిగా నిండిపోతే కేవలం యాప్స్ మాత్రమే స్లో అవ్వవు, ఫోన్ యొక్క ప్రాసెసర్ పై విపరీతమైన భారం పడుతుంది. డేటాను రీడ్ చేయడానికి, రైట్ చేయడానికి సిస్టమ్‌కు కొంత ఖాళీ స్థలం అవసరం. స్టోరేజ్ ఫుల్ అయితే ఫోన్ వేడెక్కడం, హ్యాంగ్ అవ్వడం మొదలవుతుంది.

చిట్కా: మీ ఫోన్ అంతర్గత మెమరీలో కనీసం 15% నుంచి 20% స్థలాన్ని ఎల్లప్పుడూ ఖాళీగా ఉంచండి. అవసరం లేని ఫోటోలు, వీడియోలు, భారీ ఫైల్స్‌ను డిలీట్ చేయండి లేదా క్లౌడ్ స్టోరేజ్‌కి మార్చండి.

3. సాఫ్ట్‌వేర్ అప్‌డేట్‌లను నిర్లక్ష్యం చేయకండి:
చాలా మంది డేటా అయిపోతుందనో లేదా స్పేస్ సరిపోదనో ఫోన్ ఇచ్చే సిస్టమ్ అప్‌డేట్‌లను దాటవేస్తుంటారు. ఇది చాలా పెద్ద తప్పు. కంపెనీలు ఇచ్చే అప్‌డేట్లలో కేవలం కొత్త ఫీచర్లు మాత్రమే ఉండవు. ఫోన్ పర్ఫార్మెన్స్‌ను పెంచే ‘బగ్ ఫిక్సెస్’, బ్యాటరీని ఆప్టిమైజ్ చేసే కోడింగ్ , సెక్యూరిటీ ప్యాచెస్ ఉంటాయి.

చిట్కా: మీ ఫోన్‌కు అప్‌డేట్ వచ్చిన వెంటనే వై-ఫై సాయంతో దానిని ఇన్‌స్టాల్ చేసుకోండి. ఇది ఫోన్‌ను వైరస్‌ల నుంచి రక్షించడమే కాక, సాఫీగా సాగేలా చేస్తుంది.

4. బ్రైట్‌నెస్ , అనవసరపు బ్యాక్‌గ్రౌండ్ యాప్స్‌కు చెక్ :
స్క్రీన్ బ్రైట్‌నెస్ ఎల్లప్పుడూ గరిష్టంగా ఉంచడం వల్ల డిస్‌ప్లే లైఫ్ తగ్గడమే కాకుండా.. బ్యాటరీ విపరీతంగా ఖర్చవుతుంది. అలాగే మనం వాడి వదిలేసిన యాప్స్ బ్యాక్‌గ్రౌండ్‌లో రన్ అవుతూ ర్యామ్ మెమరీని, ఇంటర్నెట్‌ను వాడుకుంటూనే ఉంటాయి.

చిట్కా: ‘ఆటో-బ్రైట్‌నెస్’ ఆప్షన్‌ను ఆన్ చేయండి. వీలైనంత వరకు ‘డార్క్ మోడ్’ వాడండి. ఉపయోగించని యాప్స్‌ను బ్యాక్‌గ్రౌండ్ నుంచి పూర్తిగా క్లోజ్ చేయండి.

కరెంట్ బిల్లు మోతకు చెక్.. 2026లో ట్రెండ్ అవుతున్న 5 బెస్ట్ ఎకో-ఫ్రెండ్లీ రిఫ్రిజిరేటర్స్!