Actress Trisha: సౌత్ సినీ ఇండస్ట్రీలో స్టార్ హీరోయిన్ గా ఓ వెలుగు వెలుగుతున్న వారిలో సీనియర్ నటి త్రిష (Trisha)ఒకరు. ఇండస్ట్రీ లోకి వచ్చి దాదాపు రెండు దశాబ్దాలు అవుతోంది అయినప్పటికీ ఏమాత్రం అవకాశాలను కోల్పోలేదు.

ఇప్పటికీ వరుస సినిమాలలో నటిస్తూ కెరియర్ పరంగా ఎంతో బిజీగా ఉన్న త్రిష నేడు (మే 4వ తేదీ) తన పుట్టినరోజు వేడుకలను జరుపుకున్నారు. నేడు త్రిష పుట్టినరోజు కావడంతో సోషల్ మీడియా వేదికగా ఎంతో మంది ఈమెకు పుట్టినరోజు శుభాకాంక్షలు తెలియజేస్తూ పోస్టులు చేస్తున్నారు. సినిమా ఇండస్ట్రీకి సంబంధించిన సెలెబ్రిటీలతో పాటు అభిమానులు సోషల్ మీడియా వేదికగా ఆమె ఫోటోలను షేర్ చేస్తూ విష్ చేస్తున్నారు.

ఈ విశ్వమే గొప్ప బహుమతి ఇచ్చింది..

ఇకపోతే హీరోయిన్లు మాత్రం త్రిషకు పుట్టినరోజు శుభాకాంక్షలు తెలియజేస్తూ చేసిన పోస్టులు మాత్రం సోషల్ మీడియాలో వైరల్ అవుతున్నాయి. ఈ నేపథ్యంలోనే మంచు లక్ష్మి సోషల్ మీడియా వేదికగా త్రిషకు పుట్టిన రోజు శుభాకాంక్షలు తెలియజేస్తూ.. “అందమైన త్రిషకు పుట్టినరోజు శుభాకాంక్షలు. నీ పుట్టిన రోజును జరుపుకోవడానికి ఇది ఎంతో అద్భుతమైన రోజు. బహుశా ఈ విశ్వం నీకు భారీ విజయంతో ఎంతో గొప్ప బహుమతిని అందించింది. డబుల్ కంగ్రాట్యులేషన్స్ డార్లింగ్”అంటూ మంచు లక్ష్మి సోషల్ మీడియా వేదికగా పోస్ట్ చేశారు.

వాట్ ఏ గిఫ్ట్..

మరోవైపు చార్మి సైతం త్రిషకు పుట్టినరోజు శుభాకాంక్షలు తెలియజేస్తూ ఈరోజు చాలా స్పెషల్ డే, అలాగే తన పుట్టినరోజుకు బెస్ట్ గిఫ్ట్ అంటూ ఈమె కూడా పోస్ట్ చేశారు. త్రిష తిరుమలకు వెళ్తున్నటువంటి వీడియోని తన ఇంస్టాగ్రామ్ స్టోరీ ద్వారా షేర్ చేయడంతో సీనియర్ నటి రాధిక హ్యాపీ బర్త్ డే వాట్ ఏ గిఫ్ట్ అంటూ ఈమెకు పుట్టినరోజు శుభాకాంక్షలు తెలియజేశారు. ఇలా సెలబ్రిటీలందరూ ఈమెకు పుట్టినరోజు శుభాకాంక్షలు తెలియజేస్తూ పుట్టినరోజు సందర్భంగా ఈ ప్రపంచమే తనకు అద్భుతమైన గిఫ్ట్ ఇచ్చింది అంటూ కామెంట్ చేయడంతో కచ్చితంగా విజయ్ సక్సెస్ గురించి ప్రస్తావిస్తూ ఈ పోస్టులు చేయటమే కాకుండా వీరిద్దరి రిలేషన్ కన్ఫర్మ్ చేశారని తెలుస్తోంది.