అయితే, ఉదయం లేచి ప్రశాంతంగా ఫ్యాన్ కింద కూర్చుందామంటే.. నెల తిరిగేసరికి వచ్చే కరెంట్ బిల్లు గుండెల్లో రైళ్లు పరిగెత్తిస్తోంది. ఏసీ వాడకుండా ఉండలేం, అలాగని బిల్లు కట్టలేం.. ఇలాంటి పరిస్థితేనా మీది కూడా?

అయితే మీకొక గుడ్ న్యూస్. మీ ఏసీ రిమోట్‌లో ఉండే ఒకే ఒక్క మ్యాజికల్ బటన్ మీ కరెంట్ బిల్లును భారీగా తగ్గించగలదు. అదే Sleep Mode. రాత్రి పడుకునేటప్పుడు ఏసీని స్లీప్ మోడ్‌లో పెడితే కరెంట్ బిల్లు ఎంత తగ్గుతుందో.. అసలు ఇది ఎలా పని చేస్తుందో తెలిస్తే మీరు ముక్కున వేలేసుకుంటారు.

ఏమిటీ స్లీప్ మోడ్?

ఇది దాదాపు అన్ని ఆధునిక ఎయిర్ కండిషనర్లలో ఉండే ఒక మంచి ఫీచర్. రాత్రి వేళల్లో గది ఉష్ణోగ్రతను ఇది క్రమంగా మారుస్తూ ఉంటుంది. రూమ్‌ను ఎప్పుడూ ఒకేలా విపరీతంగా చల్లబరచకుండా, సమయాన్ని బట్టి మార్పులు చేస్తుంది.

ఇది ఎలా పనిచేస్తుంది?

మనం స్లీప్ మోడ్ ఆన్ చేసినప్పుడు.. ఏసీలో టెంపరేచర్ ప్రతి 1 డిగ్రీ పెరిగేకొద్దీ.. సుమారు 6% నుండి 7% వరకు కరెంట్ ఆదా అవుతుంది.. కొద్దిసేపటి తర్వాత గది వాతావరణం మరీ చల్లగా కాకుండా, నిద్రపోవడానికి వీలుగా ప్రశాంతంగా మారుతుంది. సాధారణ మోడ్‌లో ఏసీ రాత్రంతా ఒకే చలిని ఇస్తుంది. కానీ స్లీప్ మోడ్ ఆ ఇబ్బంది లేకుండా చూస్తుంది.

ఎండలు మండిపోతున్నా నో వర్రీ.. మెడలో వేసుకుని స్మార్ట్ ACని తెచ్చిన సోనీ.. రేట్ ఎంతంటే?

ఎనర్జీ సేవర్‌కు దీనికి తేడా ఏంటి?

చాలామంది స్లీప్ మోడ్, ఎనర్జీ సేవర్ మోడ్ రెండూ ఒక్కటే అనుకుంటారు. కానీ వీటి పనితీరు వేరు. ఎనర్జీ సేవర్ మోడ్‌లో గది చల్లబడగానే కంప్రెసర్, ఫ్యాన్ ఆగిపోతుంటాయి. కానీ స్లీప్ మోడ్ కేవలం రాత్రిపూట హాయిగా నిద్రపోవడానికి, మన శరీర ఉష్ణోగ్రతకు తగ్గట్టుగా ఏసీ టెంపరేచర్‌ను సర్దుబాటు చేయడానికి డిజైన్ చేయబడింది.

పెరిగిన ఏసీల వాడకం..

ఈ మధ్యకాలంలో ఎండలు, వడగాల్పులు పెరిగిపోవడంతో ఏసీ వాడకం తప్పనిసరైంది. దాంతో పాటే కరెంట్ బిల్లులు కూడా భారంగా మారుతున్నాయి. అందుకే చాలా ఇళ్లల్లో ఇప్పుడు ఏసీలను విపరీతంగా వాడుతున్నారు. పైన చెప్పిన విధంగా ఏసీ వాడేటప్పుడు కొన్ని మార్పులు చేసుకుంటే.. విద్యుత్ ఆదాతో పాటు ఏసీ కూడా ఎక్కువ రోజులు మన్నిక వస్తుంది.

AI ఫీచర్లు, అమోలెడ్ డిస్‌ప్లే.. శాంసంగ్ కొత్త స్కెచ్.. Galaxy A27 5G లీకైన పూర్తి వివరాలివే!