Gym Hydration Guide: ఈ రోజుల్లో ఫిట్గా ఉండటంతో పాటు అందంగా, గ్లోయింగ్గా కనిపించడం అందరికీ ఒక క్రేజ్. అందుకోసం చాలామంది జిమ్లో గంటల తరబడి చెమటలు చిందిస్తుంటారు.
అయితే.. కేవలం వర్కవుట్ చేస్తేనే సరిపోదు.. బాడీని సరిగ్గా హైడ్రేట్ చేయడం కూడా అంతే ముఖ్యం. జిమ్కు ముందు తర్వాత మనం తీసుకునే డ్రింక్స్ మన ఫిట్నెస్ను మాత్రమే కాదు. మన చర్మ సౌందర్యాన్ని కూడా డిసైడ్ చేస్తాయి. మరి ఆ సీక్రెట్ డ్రింక్స్ ఏంటో ఇప్పుడు తెలుసుకుందాం.
జిమ్ డ్రింక్స్ – ఫిట్నెస్, చర్మ సౌందర్యం:
వర్కవుట్ చేసేటప్పుడు మన శరీరం నుంచి చెమట రూపంలో చాలా నీరు, ఎలక్ట్రోలైట్లు బయటకు పోతాయి. దీని వల్ల బాడీ డీహైడ్రేట్ అవ్వడమే కాకుండా చర్మం పొడిబారి, ఫేస్ గ్లో తగ్గిపోతుంది. అందుకే జిమ్కు ముందు బాడీకి ఎనర్జీ ఇచ్చే డ్రింక్స్, జిమ్ తర్వాత అలసిపోయిన కండరాలకు బలాన్ని, చర్మానికి మెరుపును ఇచ్చే డ్రింక్స్ తీసుకోవాలి.
జిమ్కు ముందు ఏం తాగాలి?
వర్కవుట్ ప్రారంభించడానికి 30 నుంచి 45 నిమిషాల ముందు తీసుకునే డ్రింక్ మనకు ఇన్స్టంట్ ఎనర్జీని ఇవ్వాలి.
1. బ్లాక్ కాఫీ: జిమ్కు వెళ్లేవారికి ఇదొక బెస్ట్ ప్రీ-వర్కవుట్ డ్రింక్. ఇందులో ఉండే కెఫిన్ మీ మెటబాలిజాన్ని పెంచుతుంది. వర్కవుట్ చేసేటప్పుడు ఎక్కువ అలసట రాకుండా చూస్తుంది. ఇది ఫ్యాట్ బర్న్ అవ్వడానికి కూడా బాగా హెల్ప్ చేస్తుంది.
2. గ్రీన్ టీ: కేలరీలను త్వరగా కరిగించాలనుకునే వారికి గ్రీన్ టీ సూపర్ ఛాయిస్. ఇందులో ఉండే యాంటీ ఆక్సిడెంట్లు బాడీలోని టాక్సిన్లను (విషపదార్థాలు) బయటకు పంపుతాయి. దీని వల్ల జిమ్లో స్టామినా పెరగడమే కాదు, చర్మంపై మొటిమలు తగ్గి నాచురల్ గ్లో వస్తుంది.
3. బీట్రూట్ జ్యూస్: బీట్రూట్లో నైట్రేట్లు ఎక్కువగా ఉంటాయి. ఇది కండరాలకు రక్తప్రసరణను మెరుగు పరుస్తుంది. జిమ్లో బరువులు ఎత్తడానికి ఇది మంచి పవర్ ఇస్తుంది. అలాగే చర్మానికి మంచి గులాబీ రంగు మెరుపును ఇస్తుంది.
జిమ్ తర్వాత ఏం తాగాలి ?
ఎక్సర్సైజ్ పూర్తయిన తర్వాత కండరాల రికవరీకి, కోల్పోయిన నీటి శాతాన్ని తిరిగి భర్తీ చేయడానికి డ్రింక్స్ అవసరం.
1. కొబ్బరి నీళ్లు: ప్రకృతి ప్రసాదించిన బెస్ట్ ఎనర్జీ డ్రింక్ ఇది. ఇందులో పొటాషియం, మెగ్నీషియం వంటి ఎలక్ట్రోలైట్లు పుష్కలంగా ఉంటాయి. జిమ్ తర్వాత కొబ్బరి నీళ్లు తాగడం వల్ల బాడీ త్వరగా చల్లబడుతుంది. ఇది చర్మాన్ని లోపలి నుంచి హైడ్రేట్ చేసి, ముడతలు పడకుండా కాపాడుతుంది.
2. ప్రొటీన్ షేక్ లేదా మజ్జిగ: వర్కవుట్ తర్వాత కండరాలు దెబ్బతినకుండా ఉండాలంటే.. ప్రొటీన్ ముఖ్యం. వే ప్రోటీన్ వాడేవారు నీళ్లలో కలుపుకుని తాగవచ్చు. ఒకవేళ అది లేకపోతే.. ఇంట్లోనే పలచటి మజ్జిగలో కొద్దిగా జీలకర్ర పొడి, ఉప్పు వేసుకుని తాగొచ్చు. ఇది బాడీ హీట్ను తగ్గిస్తుంది.
3. యాంటీఆక్సిడెంట్ స్మూతీస్: బెర్రీలు, అరటిపండు లేదా పాలకూరతో చేసిన స్మూతీలు జిమ్ తర్వాత తాగడం వల్ల బాడీకి అవసరమైన విటమిన్లు అందుతాయి. ఇవి జిమ్ వల్ల చర్మానికి జరిగే ఆక్సిడేటివ్ డ్యామేజ్ను తగ్గించి.. యవ్వనంగా కనిపించేలా చేస్తాయి.
చర్మ సౌందర్యం పెరగడానికి జిమ్ లవర్స్ చేయకూడని తప్పులు:
చాలామంది జిమ్ ముగిసిన వెంటనే ఏవైనా ఆర్టిఫిషియల్ ఎనర్జీ డ్రింక్స్ లేదా షుగర్ ఎక్కువగా ఉండే కూల్ డ్రింక్స్ తాగుతుంటారు. వీటివల్ల బరువు పెరగడమే కాకుండా.. చర్మంపై ఇన్ఫ్లమేషన్ వచ్చి గ్లో దెబ్బతింటుంది. అలాగే.. వర్కవుట్ చేసిన వెంటనే ఫేస్ వాష్ చేసుకోకపోతే, చెమట వల్ల ఫేస్ మీదున్న రంధ్రాలు బ్లాక్ అయి మొటిమలు వస్తాయి. కాబట్టి.. ఎక్సర్సైజ్ తర్వాత మంచి డ్రింక్ తాగుతూ, ముఖాన్ని కూడా శుభ్రంగా కడుక్కోవాలి.
ఫిట్నెస్, చర్మ సౌందర్యం అనేవి ఒకే నాణేనికి ఉన్న రెండు ముఖాల లాంటివి. మీరు లోపలికి ఎలాంటి ఆహారం, డ్రింక్స్ తీసుకుంటారో.. అది మీ బయటి రూపంలో కనిపిస్తుంది. కాబట్టి కెమికల్స్ ఉండే ప్రీ-వర్కవుట్ సప్లిమెంట్ల జోలికి వెళ్లకుండా.. పైన చెప్పుకున్న సహజసిద్ధమైన డ్రింక్స్ను మీ జిమ్ రొటీన్లో భాగంగా చేసుకోండి. అటు పర్ఫెక్ట్ బాడీ షేప్, ఇటు మెరిసే చర్మాన్ని మీ సొంతం చేసుకోండి.