IPhone 18 Pro: ప్రతి ఏడాది లాగే ఈసారి కూడా టెక్ ప్రపంచం యాపిల్ కొత్త ఐఫోన్ల కోసం ఎంతో ఆసక్తిగా ఎదురుచూస్తోంది. సెప్టెంబర్ నెలలో విడుదల కానున్న iPhone 18 Pro సిరీస్ గురించి ఇప్పటికే సోషల్ మీడియాలో రకరకాల చర్చలు నడుస్తున్నాయి.

ముఖ్యంగా కెమెరా, ప్రాసెసర్ విషయంలో ఈసారి సంస్థ భారీ మార్పులకే శ్రీకారం చుట్టినట్లు తెలుస్తోంది.

ధర ఎంత ఉండొచ్చు?

iPhone 18 Pro మోడల్స్ సెప్టెంబర్ నాటికి మార్కెట్లోకి వచ్చే అవకాశం ఉంది. తయారీ ఖర్చులు పెరిగినప్పటికీ.. అమెరికా మార్కెట్‌లో దీని ప్రారంభ ధరను గతేడాది తరహాలోనే 1,099 డాలర్లుగా ఉంచాలని యాపిల్ భావిస్తున్నట్లు సమాచారం. అయితే.. భారతదేశంలో పన్నులు, ఇతర కారణాల వల్ల iPhone 17 సిరీస్ లాగే దీని ధర కూడా కొంత అదనంగా ఉండే అవకాశం కనిపిస్తోంది.

ఆకట్టుకునే రంగులు, డిజైన్..

ఈసారి కలర్స్ విషయంలో యాపిల్ కొత్త ప్రయోగాలు చేస్తోంది. డార్క్ చెర్రీ, లైట్ బ్లూ, డార్క్ గ్రే వంటి సరికొత్త రంగుల్లో ఈ ఫోన్లు మెరిసిపోనున్నాయి. ముఖ్యంగా 'డీప్ రెడ్' వేరియంట్ ఈ సిరీస్‌లో హైలైట్‌గా నిలవనుందని టెక్ వర్గాలు చెబుతున్నాయి. ఇక డిజైన్ విషయానికి వస్తే.. ఫోన్ వెనుక ఉండే కెమెరా ప్యానెల్ మునుపటి కంటే కొంచెం మందంగా, ప్రీమియం లుక్‌తో ఉండబోతోంది. ఫోన్ బాడీ, గ్లాస్ మధ్య తేడా తెలియకుండా చాలా ఫినిషింగ్‌తో దీన్ని రూపొందిస్తున్నారు.

డిస్‌ప్లేలో ఊహించని మార్పు..

ఈ iPhone 18 Proలో 6.3 అంగుళాల డిస్‌ప్లేను ఇవ్వనున్నారు. అయితే ఈసారి ప్రధాన మార్పు డైనమిక్ ఐలాండ్ విషయంలో ఉండబోతోంది. అండర్ డిస్‌ప్లే ఫేస్ ఐడి టెక్నాలజీని వాడటం వల్ల, డిస్‌ప్లే పైభాగంలో ఉండే ఆ నాచ్ సైజు దాదాపు 35 శాతం తగ్గే అవకాశం ఉంది. దీనివల్ల స్క్రీన్ మరింత పెద్దదిగా, స్పష్టంగా కనిపిస్తుంది.

OnePlus Pad 4 వచ్చేసింది.. ల్యాప్‌టాప్‌ను మర్చిపోయేలా చేసే ఏఐ ఫీచర్లు.. వావ్ అనిపించేలా బ్యాటరీ!

బ్యాటరీ విషయానికి వస్తే..

ఈ కొత్త ఫోన్లలో అత్యంత శక్తివంతమైన ఏ20 ప్రో చిప్‌సెట్‌ను వాడుతున్నారు. ఇది పాత వాటి కంటే 30 శాతం వేగంగా పనిచేస్తూనే, బ్యాటరీని తక్కువగా ఖర్చు చేస్తుంది. అంతేకాకుండా.. యాపిల్ సొంతంగా తయారు చేసిన సీ2 మోడెమ్‌ను దీని ద్వారా పరిచయం చేయబోతున్నారు. దీనివల్ల ఇంటర్నెట్ వేగం పెరగడమే కాకుండా.. శాటిలైట్ కనెక్టివిటీ ద్వారా అత్యవసర సమయాల్లో కమ్యూనికేట్ చేయడం సులభమవుతుంది.