ఇంటి నుంచి బయటకు అడుగుపెడితే చాలు.. ఎండ వేడిమికి ముఖం నిమిషాల్లో నల్లగా (Sun Tan) మారిపోతుంది. చెమట, దుమ్ము వల్ల ముఖం మీద జిడ్డు చేరి అందవిహీనంగా తయారవుతుంది.

మార్కెట్లో దొరికే రసాయనాలతో కూడిన క్రీమ్స్ వాడితే ముఖం మరింత పాడయ్యే ప్రమాదం ఉంది. అందుకే, మన వంటగదిలో ఉండే వస్తువులతోనే ఎండాకాలంలో ముఖాన్ని కాంతివంతంగా, తాజాగా ఎలా ఉంచుకోవాలో ఇక్కడ తెలుసుకుందాం.

1. బంగాళదుంప రసంతో మాయమైన మచ్చలు:
ఎండ వల్ల చర్మంపై ఏర్పడిన నలుపును (Tan), నల్లటి మచ్చలను తొలగించడంలో బంగాళదుంప అద్భుతంగా పనిచేస్తుంది. ఇందులో ఉండే బ్లీచింగ్ లక్షణాలు చర్మాన్ని త్వరగా కాంతివంతం చేస్తాయి.

ఎలా వాడాలి:ఒక బంగాళదుంపను తురిమి, దాని రసాన్ని తీయండి. ఆ రసాన్ని దూదితో ముఖానికి రాసుకుని 15 నిమిషాల తర్వాత చల్లటి నీటితో కడిగేయండి. ఇలా వారానికి రెండు సార్లు చేస్తే ముఖం గ్లో వస్తుంది.

Also Read:

కాలి పగుళ్లతో నరకం చూస్తున్నారా? ఇంట్లోని ఈ 3 వస్తువులతో శాశ్వతంగా చెక్ పెట్టండి..

2. కలబంద (Aloe Vera) – ఐస్ క్యూబ్స్:
ఎండలో తిరిగి ఇంటికి రాగానే ముఖం మంటగా అనిపిస్తుంది. ఆ మంటను తగ్గించి చర్మానికి చల్లదనాన్ని ఇవ్వడానికి కలబంద బెస్ట్ ఆప్షన్.

ఎలా వాడాలి: కలబంద గుజ్జును తీసుకుని, ఐస్ ట్రే లో వేసి ఫ్రిజ్ లో పెట్టండి. మీరు బయటనుంచి రాగానే ఈ ‘అలోవెరా ఐస్ క్యూబ్’ తో ముఖం మీద మెల్లగా మర్దన చేసుకోండి. ఇది చర్మ రంధ్రాలను శుభ్రం చేసి, ముఖాన్ని ఫ్రెష్ గా ఉంచుతుంది.

3. పెరుగు, శెనగపిండి ఫేస్ ప్యాక్:
వేసవిలో ముఖంపై ఉండే జిడ్డును, మృత కణాలను (Dead cells) తొలగించడానికి ఇదొక బెస్ట్ ఫేస్ ప్యాక్. పెరుగు చర్మానికి తేమను అందిస్తే, శెనగపిండి మురికిని లాగేస్తుంది.

ఎలా వాడాలి:రెండు స్పూన్ల శెనగపిండిలో, కొద్దిగా పెరుగు, చిటికెడు పసుపు కలిపి పేస్ట్ లా చేయండి. దీన్ని ముఖానికి రాసుకుని ఆరాక కడిగేయండి. ఇన్స్టంట్ గ్లో రావడం మీరే గమనిస్తారు.

ముఖ్యమైన సలహా:
సమ్మర్ లో కేవలం ప్యాక్ లు వేసుకోవడమే కాదు, లోపలి నుంచి కూడా చర్మాన్ని హైడ్రేటెడ్ గా ఉంచుకోవాలి. రోజుకు కనీసం 3 లీటర్ల నీరు తాగాలి. బయటకు వెళ్లే అరగంట ముందు తప్పనిసరిగా సన్ స్క్రీన్ లోషన్ (Sunscreen) రాయడం మర్చిపోకండి.

Also Read:

ముఖంపై ఎలాంటి సమస్య ఉన్నా 2 రోజుల్లో చెక్.. రూపాయి ఖర్చు లేకుండా మెరిసే చర్మం మీ సొంతం!