వాస్తు శాస్త్రం ప్రకారం ఇంట్లోని దరిద్రాన్ని పారద్రోలి, సిరిసంపదలను ఆకర్షించడానికి కర్పూరం అద్భుతంగా పనిచేస్తుంది. అయితే, కర్పూరాన్ని వారంలోని ఏ రోజున, ఏ వస్తువుతో కలిపి వెలిగిస్తే అదృష్టం తలుపు తడుతుందో వాస్తు నిపుణులు సూచిస్తున్నారు. అవేంటో ఇక్కడ చూద్దాం.

కర్పూరం ఎందుకు అంత పవర్‌ఫుల్?
హిందూ సంప్రదాయంలో కర్పూరానికి చాలా విశిష్టత ఉంది. ఇది కేవలం పూజకే కాదు.. ఇంట్లోని వాతావరణాన్ని శుద్ధి చేయడానికి బ్రహ్మాస్త్రంలా పనిచేస్తుంది. కర్పూరం వెదజల్లే సువాసన మనసులోని ఒత్తిడిని దూరం చేసి, ఇంట్లోకి పాజిటివ్ ఎనర్జీని (సానుకూల శక్తి) తీసుకువస్తుంది.

ఏ రోజున.. ఏ వస్తువుతో కర్పూరాన్ని వెలిగించాలి?
1. మంగళవారం, శనివారం: కర్పూరం + లవంగాలు
మంగళ, శనివారాలు శక్తికి, ధైర్యానికి ప్రతీకలు.

ఏం చేయాలి?: ఈ రోజుల్లో కర్పూరంతో పాటు రెండు లేదా మూడు లవంగాలను వేసి వెలిగించండి.

ఫలితం: ఇలా చేయడం వల్ల ఇంట్లోని నెగెటివ్ ఎనర్జీ మొత్తం పారిపోతుంది. కుటుంబ సభ్యుల్లో ఆత్మవిశ్వాసం పెరిగి, ఇంట్లో ప్రశాంత వాతావరణం నెలకొంటుంది.

Also Readతెల్ల జుట్టు నల్లగా, ఒత్తుగా పెరగాలా? ఉల్లిపాయతో ఈ సింపుల్ చిట్కా పాటించండి

2. ఆదివారం, సోమవారం: కర్పూరం + దాల్చినచెక్క
ఈ రోజులు దైవానుగ్రహానికి చాలా ముఖ్యమైనవి.

ఏం చేయాలి?: ఆదివారం లేదా సోమవారం సాయంత్రం సమయంలో.. ఇంటి ఆగ్నేయ దిశలో కర్పూరంతో పాటు చిన్న దాల్చినచెక్క ముక్కను వెలిగించండి. ఆగ్నేయం అగ్ని తత్వానికి ప్రతీక.

ఫలితం: పేరుకుపోయిన దరిద్రం, నెగెటివ్ ఎనర్జీ నశించిపోతాయి. సాక్షాత్తూ ఆ సూర్య భగవానుడు, పరమశివుడి ఆశీస్సులు మీ కుటుంబానికి లభిస్తాయి.

Also Readస్వీట్ షాప్ స్టైల్ రవ్వ గులాబ్ జామున్: జ్యూసీగా, మృదువుగా రావాలంటే సీక్రెట్ ఇదే

3. గురువారం, శుక్రవారం: కర్పూరం + బిర్యానీ ఆకు (బే ఆకు)
గురువారం గురుగ్రహానికి, శుక్రవారం లక్ష్మీదేవికి ఇష్టమైన రోజులు. బే ఆకు గురుగ్రహానికి ప్రతీకగా చెబుతారు.

ఏం చేయాలి?: ఈ రెండు రోజుల్లో ఇంటి తూర్పు దిశలో కర్పూరంతో పాటు ఒక బే ఆకును వెలిగించండి.

ఫలితం: కుటుంబ సభ్యుల మధ్య ప్రేమ, అనురాగాలు పెరుగుతాయి. ఇంట్లోకి అదృష్టం, ఐశ్వర్యం ప్రవహిస్తాయి. ఇంటికి ఉన్న చిన్నచిన్న వాస్తు దోషాలు కూడా తొలగిపోతాయి.

ముఖ్య గమనిక:

ఈ పరిహారాలు చేసేటప్పుడు కర్పూరాన్ని ఎల్లప్పుడూ మట్టి లేదా ఇత్తడి ప్రమిదల్లో మాత్రమే వెలిగించడం శ్రేయస్కరం.

Also Readచేతులకు వెల్లుల్లి వాసన వస్తుంటే.. వెంటనే ఈ టిప్స్ ట్రై చేయండి!

ఇంటిని శుభ్రంగా ఉంచుకుని, ఉదయం లేదా సాయంత్రం వేళల్లో పూర్తి నమ్మకంతో, భక్తి శ్రద్ధలతో ఈ చిన్న పని చేస్తే మీ ఇల్లు సిరిసంపదలతో తులతూగడం ఖాయం!

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

Source: chaipakodi.com