ప్రస్తుతం ఆయన హీరోగా నటించిన చిత్రం మండాడి (Mandaadi). పుగజేంధి మతిమారన్ దర్శకత్వం వహించిన ఈ చిత్రంలో తెలుగు నటుడు సుహాస్ విలన్ గా నటించాడు. ఇప్పటికే ఈ చిత్రం నుంచి రిలీజైన సాంగ్స్, టీజర్ ప్రేక్షకులను విశేషంగా ఆకట్టుకున్నాయి. ఇక ఈ సినిమా సెప్టెంబర్ 10 న ప్రేక్షకుల ముందుకు రానుంది. రిలీజ్ డేట్ దగ్గరపడుతుండడంతో ప్రమోషన్స్ స్పీడు పెంచిన సూరి వరుసగా ఇంటర్వ్యూలు ఇస్తూ సినిమాపై అంచనాలను పెంచేస్తున్నాడు.

తాజాగా ఒక ఇంటర్వ్యూలో సూరి తన సినీ ప్రయాణంలో ఎదురైన ఒక అత్యంత చేదు అనుభవాన్ని గుర్తుచేసుకుంటూ తీవ్ర భావోద్వేగానికి లోనయ్యాడు. ఒకప్పుడు నటుడిగా అవకాశాల కోసం ప్రయత్నిస్తున్న సమయంలో, తమిళ ఇండస్ట్రీలోని ఒక పెద్ద హీరో సినిమాలో నటించే అవకాశం వచ్చినప్పుడు తనకు జరిగిన అవమానాన్ని ఆయన ఒక ఇంటర్వ్యూలో పంచుకున్నాడు. సూరి మాట్లాడుతూ.. 'నన్ను ఒక పెద్ద హీరో సినిమా షూటింగ్ కోసం పిలిచారు. అందులో ఒక టాప్ కమెడియన్‌తో కలిసి నటించే కాంబినేషన్ సీన్ అది. షూటింగ్ పూర్తయిన తర్వాత ఆ పెద్ద హీరో, దర్శకుడు కలిసి మానిటర్‌లో ఆ సీన్ చూసుకున్నారు. ఆ తర్వాత వారు నన్ను పక్కకు పిలిచి, నా చొక్కా విప్పేసి, రికమండేషన్‌తో వచ్చిన వేరే వ్యక్తికి ఇవ్వమని చెప్పారు. అది నా సొంత చొక్కా అయినప్పటికీ, నా మాట వినకుండా దాన్ని లాక్కొని కాస్ట్యూమ్ వెహికల్‌పైకి విసిరేశారు. ఒంటిపై కేవలం ఒక టవల్ మాత్రమే కప్పుకుని, తీవ్ర అవమాన భారంతో, కన్నీళ్లతో నా చొక్కా కోసం అక్కడ వెతుక్కున్నాను" అని ఆవేదన వ్యక్తం చేశాడు.

తన సినీ ప్రయాణంలో తానెప్పటికీ మర్చిపోలేని, తీవ్ర మానసిక వేదనకు గురిచేసిన ఘటన ఇదని సూరి కన్నీటిపర్యంతమయ్యాడు. ఒక చిన్న నటుడిగా ఎన్నో అవమానాలను తట్టుకుని, ఈరోజు కోలీవుడ్‌లో మోస్ట్ వాంటెడ్ హీరోగా, నటుడిగా ఎదిగిన సూరి పడిన కష్టం,ఆయన సక్సెస్ స్టోరీ ప్రస్తుతం నెటిజన్లను, అభిమానులను ఎంతగానో ఆకట్టుకుంటోంది. మరి మండాడి సినిమాతో సూరి ఎలాంటి విజయాన్ని అందుకుంటాడో చూడాలి.