టాలీవుడ్ అగ్ర నిర్మాణ సంస్థల్లో ఒకటైన 'మైత్రీ మూవీ మేకర్స్' (Mythri Movie Makers) ప్రతిష్టాత్మకంగా నిర్మిస్తున్న ఈ నూతన చిత్రం (#Soori7) తాజాగా పూజా కార్యక్రమాలతో వైభవంగా ప్రారంభమైంది. ఈ పూజా వేడుకకు కోలీవుడ్ స్టార్ హీరో శివకార్తికేయన్ (Sivakarthikeyan) ముఖ్య అతిథిగా హాజరై సందడి చేశారు. చిత్ర బృందానికి స్క్రిప్ట్ అందజేసి, సినిమా ఘన విజయం సాధించాలని ఆకాంక్షిస్తూ.. ప్రత్యేక శుభాకాంక్షలు తెలిపారు. సూరితో తనకున్న సుదీర్ఘ అనుబంధాన్ని గుర్తుచేసుకుంటూ ఆయన ఈ వేడుకలో పాల్గొనడం విశేష ఆకర్షణగా నిలిచింది.

'ఇంద్రు నేట్రు నాలై' (టైమ్ ట్రావెల్ చిత్రం), 'అయలాన్' (సైన్స్ ఫిక్షన్) వంటి భారీ కాన్సెప్ట్ చిత్రాలతో ప్రతిభావంతుడైన దర్శకుడిగా పేరు తెచ్చుకున్న ఆర్. రవికుమార్ (R. Ravi Kumar) ఈ చిత్రానికి దర్శకత్వం వహిస్తున్నారు. తనదైన సరికొత్త కథాంశంతో రవికుమార్ ఈ ప్రాజెక్ట్‌ను తెరకెక్కిస్తుండటంతో సినిమాపై అప్పుడే భారీ అంచనాలు నెలకొన్నాయి.