అదితి కల్యాణి గీసిన చిత్రాలు ఇతర చిత్రాలకంటే ఎంతో ప్రత్యేకమైనవి. అలనాటి నటీమణులు ఎలా ఉండేవారో, సినీ రంగంలో వారు అడుగుపెట్టేకంటే ముందు ఎలాంటి కష్టాలను ఎదుర్కొన్నారో ఆమె గీసిన చిత్రాలు కళ్లకు కడుతున్నాయి. అదితికి ఉన్న ఈ ప్రతిభే అందరు చిత్రకారులకంటే ఆమెను ప్రత్యేకంగా నిలుపుతోంది. 1950లో నటీమణులు సినీరంగంలోకి అడుగుపెట్టేముందు వారికి స్వేచ్ఛ లేదని, నాలుగు గోడల మధ్య వారిని బందీగా ఉంచి విద్యావకాశాలకు దూరం చేశారని బాలిక అంటోంది. ఆ నటుల కష్టాలను, నటన కోసం వారు పడ్డ తపనను తెలియజేయాలని ఈ చిత్రాలను గీస్తున్నట్లు యువ పెయింటర్‌ పేర్కొంది.

60 ఏళ్లు వయసు దాటినవారు మాత్రమే తన పెయింటింగ్స్‌లోని నటీమణులను గుర్తించగలరని బాలిక చెబుతోంది. 2017లో ఆమె రాసిన 'అడ్వెంచర్‌ ఆఫ్‌ టు బి అండ్‌ హెర్‌ ఫ్రెండ్స్‌' పుస్తకం పలు అవార్డులను సాధించింది. ఆ పుస్తకంలో 11 చిన్న కథలను పొందుపరిచింది. ఆ కథలే కాదు వాటిలోని చిత్రాలు కూడా పాఠకులను ఆకట్టుకుంటాయి.

తేజస్‌.. వాయుసేనకు వజ్రాయుధం