తెలంగాణకు అక్రమంగా తరలించినట్లు అంచనా

ఈనాడు, హైదరాబాద్‌: మధ్యప్రదేశ్‌లో వెలుగుచూసిన బియ్యం కుంభకోణం తెలంగాణలో కలకలం రేపుతోంది. కరోనా నేపథ్యంలో గత ఏప్రిల్‌ నుంచి నవంబరు వరకు కేంద్రం రేషన్‌కార్డుదారులకు నెలవారీ ఇచ్చే బియ్యాన్ని మరో 100 శాతం పెంచింది. ఇది అక్కడి అక్రమార్కులకు కలిసొచ్చింది. మధ్యప్రదేశ్‌లోని పేదలకు ఇవ్వాల్సిన బియ్యాన్ని కొందరు రేషన్‌ డీలర్లు పక్కదారి పట్టించారు. అవి తెలంగాణకు తరలినట్లు అక్కడి దర్యాప్తు అధికారులు ప్రాథమికంగా గుర్తించారు. ఇండోర్‌లోని పలు రేషన్‌ దుకాణాల్లో కార్డుదారులకు ఇవ్వకుండా డీలర్లు అక్రమాలకు పాల్పడినట్లు అధికారులకు ఫిర్యాదులు రావడంతో భారీ కుంభకోణం జరిగినట్లు అంచనా వేస్తున్నారు.