ఆయనతో స్వీయచిత్రాలు దిగేందుకు సైతం స్థానికులు పోటీపడుతున్నారు.

ఇంతలా ఫేమస్‌ అయిన రంజీత్‌ సింగ్‌.. తన ప్రదర్శనతో ట్రాఫిక్‌ను నియంత్రించడానికి ఓ విషాధ సంఘటన ఉందని చెబుతున్నాడు. 'విద్యార్థి దశ నుంచి నాకు డ్యాన్స్‌పై మక్కువ. గొప్ప డ్యాన్సర్‌ను కావాలనుకున్నా. కానీ ఆర్థిక సమస్యల వల్ల కుదరలేదు. 16 ఏళ్ల క్రితం ఒక రోజు రోడ్డు ప్రమాదం జరిగింది. ప్రజలు గుమిగూడారు. అక్కడ ట్రాఫిక్‌ను నియంత్రించాలని నాపై అధికారి నుంచి సందేశం వచ్చింది. అక్కడికి వెళ్లి చూస్తే ఆ ప్రమాదంలో చనిపోయిన వ్యక్తి నా స్నేహితుడు.. ఆ సమయంలో నేను భయంతో రోడ్డుపై అడ్డంగా నృత్యరూపకంగా నడుచుకుంటూ వెళ్లాను. అయితే అక్కడ గుమిగూడిన ప్రజలు నన్ను చూస్తున్నారని ఉన్నతాధికారి చెప్పారు. దీంతో అప్పటి నుంచి ఈ విధంగా డ్యాన్స్‌ స్టెప్పులతో.. ప్రయాణికులను నవ్విస్తున్నాను' అని సింగ్‌ చెప్పుకొచ్చారు. రోడ్డుపై డ్యాన్స్‌తో ట్రాఫిక్‌ను నియంత్రిస్తున్న రంజీత్‌ సింగ్‌ కొన్ని టీవీ షోలలో కూడా పాల్గొన్నాడు. ఆయన ప్రతిభకు ఉత్తమ ట్రాఫిక్‌ కంట్రోల్‌ పోలీసు అవార్డు సైతం వచ్చింది. రోడ్డుపై ఎటువంటి గొడవలు జరగకుండా చూస్తారని ఏసీపీ ప్రశాంత్‌ చోబే సింగ్‌ను ప్రశంసించారు.

ఇవీ చదవండి..