ముంబయి: టీవీ ఛానళ్ల నకిలీ టీఆర్పీ (టెలివిజన్‌ రేటింగ్‌ పాయింట్స్‌) కుంభకోణంపై ముంబయి క్రైం ఇంటెలిజెన్స్‌ యూనిట్‌ పోలీసులు మంగళవారం మెజిస్ట్రేట్‌ కోర్టులో చార్జిషీటు దాఖలు చేశారు. ఈ కేసులో క్రైం బ్రాంచి పోలీసులు ఇప్పటిదాకా 12 మందిని అరెస్టు చేశారు. ఇందులో రిపబ్లిక్‌ టీవీ పశ్చిమ ప్రాంత పంపిణీ అధినేత, రెండు మరాఠా ఛానళ్ల యజమానులు ఉన్నారు. రేటింగ్స్‌ ఏజెన్సీ 'బార్క్‌' ఫిర్యాదుతో గత నెల ఈ కుంభకోణం వెలుగు చూసింది.