ఆ దేశ శిక్షా స్మృతిలోని ఆర్టికల్‌ 112 ప్రకారం ఇది తీవ్రమైన నేరం. ఈ విధమైన ఒక్కో తప్పిదానికి మూడు నుంచి పదిహేను సంవత్సరాల వరకు కోర్టులు కారాగార శిక్ష విధించవచ్చు. ఈ నేపథ్యంలో సదరు మహిళ దోషిగా నిర్థారణ కావటంతో బ్యాంకాక్‌ క్రిమినల్‌ కోర్టు ఆమెకు కఠిన శిక్ష విధిస్తూ తీర్పునిచ్చింది. అయితే దీనిపై ఉన్నత న్యాయస్థానంలో అప్పీల్‌ చేసే అవకాశం ఉందని శిక్ష పడిన మహిళ తరపు న్యాయవాది తెలిపారు.

శిక్ష దిగ్భాంతికరం

ఈ తీర్పు, శిక్ష దిగ్భాంతికరమని థాయిలాండ్‌ మానవ హక్కుల సంఘాలు తీవ్ర నిరసనలు వ్యక్తం చేస్తున్నాయి. రాజరికాన్ని విమర్శించటం సహించరానిదనే కాకుండా.. ఇందుకు తీవ్ర దండన ఉంటుందనే సందేశాన్నిస్తోందని థాయ్‌ లాయర్స్‌ ఫర్‌ హ్యుమన్‌ రైట్స్‌ సంస్థ ప్రతినిధులు ఆక్రోశం వ్యక్తం వ్యక్తం చేశారు. రాజ్యాంగబద్ధ రాజరిక వ్యవస్థలో ఈ విధమైన శిక్ష మంచిది కాదని విమర్శకులు అంటున్నారు.