ముంబయి: కర్ణాటక, మహారాష్ట్ర మధ్య నెలకొన్న సరిహద్దు వివాదంపై రోజురోజుకూ అగ్గి రాజుకొంటోంది. తాజాగా మహారాష్ట్ర ముఖ్యమంత్రి ఉద్ధవ్‌ ఠాక్రే కర్ణాటక పరిధిలో ఉన్న మరాఠీ మాట్లాడే ప్రాంతాల విషయంలో మరోసారి కీలక వ్యాఖ్యలు చేశారు. సుప్రీంకోర్టు తీర్పు వచ్చే వరకు ఆ ప్రాంతాలను కేంద్రపాలిత ప్రాంతంగా (యూటీ) ప్రకటించాలని డిమాండ్‌ చేశారు.

సరిహద్దు వివాదానికి సంబంధించిన పుస్తకం ఆవిష్కరణ కార్యక్రమంలో పాల్గొన్న సందర్భంగా కర్ణాటక ప్రభుత్వంపై ఉద్ధవ్‌ విమర్శలు గుప్పించారు. సరిహద్దులో ఉన్న మరాఠీ మాట్లాడే ప్రజలను వేధింపులకు గురిచేస్తున్నారని ఆరోపించారు. సరిహద్దు వివాదం సుప్రీంకోర్టు పరిధిలో ఉండగా..