దళపతి విజయ్ తన 'తమిళగ వెట్రి కళగం' (TVK) పార్టీతో సృష్టించిన ప్రభంజనం అంతా ఇంతా కాదు.ఒంటరిగా బరిలోకి దిగిన విజయ్ పార్టీ, ఏకంగా 108 సీట్లను గెలుచుకుని అక్కడ పెద్ద పార్టీగా అవతరించింది.

Chiranjeevi

పెరంబూర్ మరియు తిరుచిరాపల్లి ఈస్ట్ వంటి రెండు నియోజకవర్గాల నుండి పోటీ చేసిన విజయ్.. రెండు చోట్లా విజయం సాధించారు.అది కూడా భారీ మెజారిటీతో..!

దశాబ్దాలుగా తమిళనాడును ఏలుతున్న డిఎంకె (DMK), ఏఐఏడిఎంకె (AIADMK) కోటలను బద్దలు కొట్టి, 1967 తర్వాత ఈ రెండు పార్టీలు కాకుండా అధికారం వైపు వెళ్తున్న మొదటి నాయకుడిగా విజయ్ నిలిచారు.మేజిక్ ఫిగర్ 118కి కొంచెం దూరంలో అదీ 108 సీట్లు వద్ద ఆగిపోయినప్పటికీ ‘TVK పార్టీ’ అతిపెద్ద పార్టీగా నిలవడంతో విజయ్ సీఎం అయ్యే అవకాశాలు కూడా ఎక్కువగానే కనిపిస్తున్నాయి.

ఈ విషయాలు పక్కన పెట్టేస్తే.. విజయ్ రాజకీయాల్లోకి అడుగుపెట్టి.. ప్రజాసేవ చేయాలనేది ఆయన తండ్రి, సీనియర్ దర్శకులు అయినటువంటి ఎస్.ఏ. చంద్రశేఖర్ గారి చిరకాల కోరిక.మొత్తానికి అది నెరవేరబోతోంది.ఇదిలా ఉంటే.. చంద్రశేఖర్ గురించి ఇప్పటి జెంజీ కిడ్స్ కి పెద్దగా తెలిసుండకపోవచ్చు.కానీ గతంలో ఆయన కూడా సూపర్ హిట్ సినిమాలు అందించారు. ముఖ్యంగా మన మెగాస్టార్ చిరంజీవితో ఆయన సినిమాలు తీసి హిట్లు కొట్టారు అనే సంగతి చాలా మందికి తెలీకపోవచ్చు.

అవును మీరు వింటున్నది నిజమే.. చంద్రశేఖర్ గారు మెగాస్టార్ చిరంజీవి(Chiranjeevi) సినిమాలకి పనిచేశారు. ఏ సినిమాలకి పనిచేశారు అనేది ఇప్పుడు తెలుసుకుందాం రండి :

1 ) దేవాంతకుడు : చిరంజీవి, విజయశాంతి హీరో, హీరోయిన్లుగా నటించిన ఈ చిత్రాన్ని ఎస్.ఎ.చంద్రశేఖర్ డైరెక్ట్ చేశారు. ఏప్రిల్ 12 1984 లో రిలీజ్ అయిన ఈ సినిమా డీసెంట్ సక్సెస్ అందుకుంది.

2 ) పల్లెటూరి మొనగాడు : చిరంజీవి, రాధిక హీరో, హీరోయిన్లుగా నటించిన ఈ చిత్రానికి కూడా ఎస్.ఎ.చంద్రశేఖర్ దర్శకత్వం వహించారు. ఫిబ్రవరి 5 1983 న విడుదలైన ఈ సినిమా యావరేజ్ ఫలితంతో సరిపెట్టుకుంది.

3 ) చట్టానికి కళ్లులేవు : చిరంజీవి, మాధవి జంటగా నటించిన ఈ చిత్రాన్ని కూడా ఎస్.ఎ.చంద్రశేఖర్ దర్శకత్వం వహించారు. 1981 అక్టోబర్ 30 న రిలీజ్ అయిన ఈ సినిమా బాక్సాఫీస్ వద్ద మంచి విజయాన్ని అందుకుంది.