ఈరోజు మన 'మ్యాన్ ఆఫ్ ది మాసెస్' ఎన్టీఆర్(NTR) పుట్టినరోజు. దీంతో సోషల్ మీడియా, డిజిటల్ ప్లాట్ఫామ్స్ మొత్తం ఎన్టీఆర్ పేరుతో మార్మోగిపోతున్నాయి.ఎన్టీఆర్ క్రేజ్, స్టార్డమ్ను మాటల్లో వర్ణించడం కష్టం.
NTR
ఆయనకున్న ప్రేక్షకాదరణకు ఈ సందడే నిదర్శనం.సాధారణంగా స్టార్ హీరోల పుట్టినరోజు అంటే ఇలాంటి సందడి, సినిమా అప్డేట్ల హడావుడి కామనే. కానీ, ఎన్టీఆర్ విషయంలో ఓ ప్రత్యేకత ఉంది.
ఎన్టీఆర్ పుట్టినరోజు నాడు సినిమా ముచ్చట్లతో పాటు మరో ఆసక్తికర అంశం కూడా గట్టిగా చర్చల్లోకి వస్తుంటుంది… అదే ఎన్టీఆర్ ‘పొలిటికల్ ఎంట్రీ’ అంశం. తన తాతగారు, దివంగత నందమూరి తారకరామారావు మాదిరిగానే ఈ తరం ఎన్టీఆర్ కూడా రాజకీయాల్లోకి వచ్చి సరికొత్త ఒరవడికి నాంది పలుకుతాడని చాలామంది గట్టిగా నమ్ముతున్నారు. ముఖ్యంగా తెలుగుదేశం పార్టీకి ఎన్టీఆర్ అవసరం ఎంతో ఉంది అనేది కొందరి అభిప్రాయం.
కాని ఎన్టీఆర్కు మాత్రం ప్రస్తుతానికి రాజకీయాలపై పెద్దగా ఆసక్తి లేదు. అయితే, ఇటీవల తమిళ రాజకీయాల్లో దళపతి విజయ్ సొంత పార్టీ(TVK) పెట్టి.. సంచలన విజయాన్ని నమోదు చేసి సీఎం పీఠాన్ని దక్కించుకున్నాడు. సరిగ్గా ఇదే సీన్ భవిష్యత్తులో ఎన్టీఆర్ విషయంలోనూ రిపీట్ అవుతుందని, ఆయన సీఎం అవ్వడం ఖాయమని అభిమానులు ఆశాభావం వ్యక్తం చేస్తున్నారు.కానీ ఇది నిజంగా సాధ్యమేనా? అనేది మిలియన్ డాలర్ల ప్రశ్న!
ఎందుకంటే తమిళనాడు రాజకీయాలు వేరు, తెలుగు రాష్ట్రాల రాజకీయాలు వేరు. తమిళనాడులో విజయ్ అంతటి విజయం సాధించడానికి చాలా కారణాలు ఉన్నాయి. అక్కడ జనాలు రాజకీయ నాయకుల కంటే సినిమాల్లో విపరీతమైన ఫాలోయింగ్ ఉన్న స్టార్లను ఎక్కువగా నమ్ముతారు. విజయ్ అక్కడ నెం.1 హీరో కావడం, పైగా అక్కడి ప్రధాన పార్టీలపై ప్రజల్లో కొంత వ్యతిరేకత ఉండటం అతనికి కలిసొచ్చింది. సీఎం కుర్చీ దక్కింది. కానీ తెలుగు రాష్ట్రాల పరిస్థితి వేరు.
ఇక్కడి ప్రజలు సినిమాలను, రాజకీయాలను వేర్వేరుగా చూస్తారు. కాబట్టి సినిమాల్లో క్రేజ్ ఉన్నంత మాత్రాన రాజకీయాల్లో నెగ్గుకు రావడం అంత సులువు కాదు. ఇంకో విషయం ఏంటంటే.. జూనియర్ ఎన్టీఆర్కు నందమూరి, నారా కుటుంబాల నుంచి ఆశించిన స్థాయిలో రాజకీయ మద్దతు లేదనేది ఓపెన్ సీక్రెట్.మరోవైపు ఏపీ రాజకీయాల్లో పవన్ కళ్యాణ్ స్ట్రాంగ్ పొజిషన్లో నిలదొక్కుకున్నాడు.