పాన్ ఇండియా స్థాయిలో తనదైన గుర్తింపుతో దూసుకెళ్తున్న ముద్దుగుమ్మ రష్మిక మందన మరో అరుదైన గౌరవాన్ని అందుకొని వార్తల్లో నిలిచింది. అందం, అభినయం, స్క్రీన్ ప్రెజెన్స్తో ప్రేక్షకుల హృదయాల్లో స్థానం సంపాదించిన ఈ స్టార్ హీరోయిన్, ఇప్పుడు అంతర్జాతీయ వేదికపై కూడా తన ప్రభావాన్ని చూపిస్తోంది.
Rashmika
తాజాగా జపాన్లో నిర్వహించే ప్రతిష్టాత్మక క్రంచి రోల్ ఆనిమే అవార్డ్స్ కార్యక్రమంలో వరుసగా రెండోసారి ప్రజెంటర్గా ఎంపిక కావడం ద్వారా రష్మిక ప్రత్యేక రికార్డ్ సృష్టించింది. ఈ అవార్డ్స్ వేదికపై రెండుసార్లు ప్రెజెంటర్గా నిలిచిన తొలి భారతీయ సినీ ప్రముఖురాలిగా ఆమె గుర్తింపు పొందడం విశేషం. గతంలో కూడా ఇదే వేదికపై తన స్టైల్తో ఆకట్టుకున్న రష్మిక, ఈసారి మరింత గ్రాండ్గా మెరవనుందని అభిమానులు భావిస్తున్నారు. జపాన్ రాజధాని టోక్యోలో మే 23న జరిగే ఈ వేడుకలో ప్రపంచవ్యాప్తంగా ఉన్న సినీ ప్రముఖులతో కలిసి రష్మిక అవార్డులను అందజేయనుంది. ముఖ్యంగా పుష్ప సినిమాలో ఆమె పోషించిన శ్రీవల్లి పాత్ర జపాన్ ప్రేక్షకులను బాగా ఆకట్టుకోవడం, అక్కడ ఆమెకు భారీ ఫ్యాన్ బేస్ ఏర్పడటానికి కారణమైంది.
ఇదిలా ఉండగా, వ్యక్తిగత జీవితంలో కూడా కొత్త అధ్యాయాన్ని ప్రారంభించిన రష్మిక, విజయ్ దేవరకొండతో కలిసి సినిమాల పరంగా బిజీ షెడ్యూల్ కొనసాగిస్తోంది. కొత్త ప్రాజెక్టులు, లేడీ ఓరియెంటెడ్ సినిమాలు, పాన్ ఇండియా అవకాశాలతో ఆమె కెరీర్ మరింత వేగంగా దూసుకెళ్తుంది. ఇటీవల వరుస హిట్లతో తన స్థాయిని మరింత పెంచుకున్న ఈ నేషనల్ క్రష్, ఇప్పుడు దేశ సరిహద్దులు దాటి అంతర్జాతీయ వేదికలపై కూడా మెరవడం అభిమానులకు గర్వకారణంగా మారింది. రాబోయే రోజుల్లో మరిన్ని గ్లోబల్ ప్రాజెక్టులతో ఆమె పేరు ఇంకా ఎత్తుకు చేరుతుందని సినీ విశ్లేషకులు అభిప్రాయపడుతున్నారు.
Single Screens: మొదలైన పర్సంటేజీ విధానం… సింగిల్ థియేటర్ కష్టాలకు బ్రేక్ పడుతుందా?