అసలు ఎలా అలా చేస్తారు అంటూ విమర్శలు గుప్పిస్తున్నారు. ఎట్టకేలకు ఇప్పుడు ఆ దర్శకుడి టీమ్‌ క్లారిటీ ఇచ్చింది. అసలేంటి జరిగింది, ఎందుకు ఆయన కారుకు పోలీసు స్టిక్కర్‌ ఉంది అనే వివరాలు చెప్పింది. ఇదంతా జరిగింది ప్రముఖ బాలీవుడ్‌ దర్శకుడు రోహిత్‌ శెట్టి గురించే.

Rohith Shetty

రోహిత్‌ శెట్టి గత కొన్ని రోజులుగా తన వ్యక్తిగత వాహనాలపై పోలీస్ స్టిక్కర్లను ఉపయోగిస్తున్నారు. ఈ మేరకు కొన్ని ఫొటోలు సోషల్‌ మీడియాలో వైరల్‌ అయ్యాయి. ఈ వివాదంపై క్లారిటీ ఇస్తూ ఆయన టీమ్‌ విడుదల చేసిన ప్రకటనలో పూర్తి వివరణ ఇచ్చారు. ఇటీవల రోహిత్ శెట్టి ఇంటి దగ్గర కాల్పుల ఘటన జరిగిన విషయం తెలిసిందే. ఆ తర్వాత భద్రతా కారణాల దృష్ట్యా వ్యక్తిగత వాహనాల గుర్తింపు కోసం ఈ స్టిక్కర్లను ఉపయోగించినట్లు రోహిత్‌ టీమ్‌ తెలిపింది.

రోహిత్ శెట్టి నివాసం వద్ద జరిగిన కాల్పుల ఘటన తర్వాత, పోలీసులు భద్రత ఏర్పాటు చేశారు. ఆయనకు రక్షణ కల్పించారు. ఈ క్రమంలో వాహనాల గుర్తింపు కోసం స్టిక్కర్లను అంటించారు. ఇప్పుడు వాటిని తొలగించేశారు. ప్రస్తుతం రోహిత్ శెట్టికి ఇద్దరు పోలీసు సిబ్బంది భద్రత కల్పిస్తున్నారు అని క్లారిటీ ఇచ్చింది ఆయన టీమ్‌.

అసలు ఇదంతా ఎందుకొచ్చిందంటే.. మోటారు వాహనాల చట్టం ప్రకారం, ప్రైవేట్ వాహనాలపై పోలీస్ అనే స్టిక్కర్లు/ లోగోలు ఉపయోగించడం నిషేధం. రోహిత్ శెట్టి తన రెండు వ్యక్తిగత కార్లపై ఆ స్టిక్కర్లను వాడుతున్నారనేది వాదన. దీని వల్ల ఆయన చట్టపరమైన చర్యలు ఎదుర్కోవాల్సి ఉంటుందని వాదనలు వినిపించాయి. ఇప్పుడు వాటి మీదే టీమ్‌ క్లారిటీ ఇచ్చింది.