విఘ్నేశ్వరుడి ఉత్సవాల వేళ కళాకారులు తమలోని సృజనాత్మకతకు పదును పెడుతూ వినూత్న రూపాల్లో బొజ్జ గణపయ్యను మలుస్తుంటారు. ఈ క్రమంలోనే ఆంధ్రప్రదేశ్లోని కాకినాడ జిల్లా పెద్దాపురానికి చెందిన ప్రముఖ మైక్రో స్వర్ణకారుడు తాళ్లబత్తుల సాయి తన అరుదైన నైపుణ్యంతో అందరినీ ఆశ్చర్యపరిచారు.
కంటికి కనపడి కనపడనంత సూక్ష్మ పరిమాణంలో ఆయన రూపొందించిన వినాయకుడి విగ్రహం ప్రస్తుతం సోషల్ మీడియాలో విశేషంగా ఆకట్టుకుంటోంది.
తాళ్లబత్తుల సాయి కేవలం 1 సెంటీమీటర్ పరిమాణంలో ఒక అత్యంత సూక్ష్మమైన చెక్క రథాన్ని, దానిపై స్వామివారి విగ్రహాన్ని ఎంతో విలక్షణంగా చెక్కారు. అయితే ఈ కళాఖండంలోని అసలైన ఆకర్షణ ఏమిటంటే.. ఆ రథాన్ని ఒక చీమ లాగుతున్నట్లుగా ఆయన చిత్రీకరించిన విధానం! మానవులే కాకుండా ఈ భూమిపై ఉన్న సకల కోటి జీవరాశులూ ఆ విఘ్ననాయకుడిని ఆరాధిస్తాయనే ఒక అద్భుతమైన ఆధ్యాత్మిక సందేశాన్ని చాటిచెప్పడానికే తాను ఈ ఆలోచన చేసినట్లు సాయి తెలిపారు.
సూక్ష్మ స్థాయిలో ఇంతటి స్పష్టత మరియు భావ వ్యక్తీకరణతో రూపొందించిన ఈ మైక్రో ఆర్ట్ ఫోటోలు, వీడియోలు సామాజిక మాధ్యమాల్లో బాగా వైరల్ అవుతున్నాయి. అణువంత పరిమాణంలో అంతటి బృహత్తర భావాన్ని ఆవిష్కరించిన సాయి ప్రతిభను చూసి నెటిజన్లు, కళాభిమానులు ఫిదా అవుతున్నారు. ఆయన సృజనాత్మకతను, సున్నితమైన పనితనాన్ని కొనియాడుతూ కామెంట్ల రూపంలో ప్రశంసల జల్లు కురిపిస్తున్నారు.
విఘ్నేశ్వరుడి ఉత్సవాల వేళ కళాకారులు తమలోని సృజనాత్మకతకు పదును పెడుతూ వినూత్న రూపాల్లో బొజ్జ గణపయ్యను మలుస్తుంటారు. ఈ క్రమంలోనే ఆంధ్రప్రదేశ్లోని కాకినాడ జిల్లా పెద్దాపురానికి చెందిన ప్రముఖ మైక్రో స్వర్ణకారుడు తాళ్లబత్తుల సాయి తన అరుదైన నైపుణ్యంతో అందరినీ ఆశ్చర్యపరిచారు. కంటికి కనపడి కనపడనంత సూక్ష్మ పరిమాణంలో ఆయన రూపొందించిన వినాయకుడి విగ్రహం ప్రస్తుతం సోషల్ మీడియాలో విశేషంగా ఆకట్టుకుంటోంది.