జమ్మూ కశ్మీర్ ప్రజలకు రైల్వే శాఖ భారీ శుభవార్త అందించింది. కేంద్ర రైల్వే శాఖ మంత్రి అశ్విని వైష్ణవ్ జమ్మూ కశ్మీర్‌లో రైల్వే కనెక్టివిటీకి సంబంధించి కీలక ప్రకటనలు చేశారు.నేటి నుండి జమ్మూలో ప్రారంభమయ్యే వందే భారత్ ఎక్స్‌ప్రెస్‌ను ఇకపై శ్రీనగర్ వరకు పొడిగిస్తున్నట్లు మంత్రి ప్రకటించారు.

ఇది లోయలోని ప్రయాణికులకు మరియు పర్యాటకులకు ఎంతో సౌకర్యవంతంగా మారనుంది.

ప్రయాణికుల రద్దీ మరియు డిమాండ్‌ను దృష్టిలో ఉంచుకుని, ఈ రైలును 20 కోచ్‌లతో నడపాలని నిర్ణయించారు. సాధారణంగా ఉండే 8 లేదా 16 కోచ్‌ల కంటే ఇది పెద్దది, తద్వారా ఎక్కువ మంది ప్రయాణించే అవకాశం ఉంటుంది.కశ్మీర్ లోయను దేశంలోని ఇతర ప్రాంతాలతో అనుసంధానించాలనే ప్రభుత్వ లక్ష్యంలో ఇది ఒక ముఖ్యమైన అడుగు అని మంత్రి పేర్కొన్నారు.

యూత్ అండ్ టూరిజం రంగాన్ని ప్రోత్సహించడంలో ఈ వందే భారత్ విస్తరణ కీలక పాత్ర పోషిస్తుందని ప్రభుత్వం భావిస్తోంది. ఉధంపూర్-శ్రీనగర్-బారాముల్లా రైల్ లింక్ (USBRL) ప్రాజెక్టులో భాగంగా ఈ రైలు సేవలు అందుబాటులోకి రానున్నాయి.జమ్మూ కశ్మీర్ అభివృద్ధిలో ఇదొక చారిత్రాత్మక ఘట్టం. అత్యాధునిక వసతులతో కూడిన వందే భారత్ రైలు ఇప్పుడు శ్రీనగర్ వరకు ప్రయాణికులకు సేవలు అందిస్తుంది అన్నారు.