హైదరాబాద్‌లో వాహనదారులపై పెట్రో భారం పెరిగింది. అంతర్జాతీయ మార్కెట్ పరిణామాల నేపథ్యంలో చమురు సంస్థలు ఇంధన ధరలను సవరిస్తూ నిర్ణయం తీసుకున్నాయి.

లీటర్ పెట్రోల్ మరియు డీజిల్‌పై రూ. 3 మేర ధర పెరిగింది.

ఈ పెంచిన ధరలు నేడు (శుక్రవారం) ఉదయం నుంచే అమలులోకి వచ్చాయి. చమురు సంస్థలు విడుదల చేసిన తాజా గణంకాల ప్రకారం హైదరాబాద్‌లో లీటర్ ఇంధన ధరలు ఈ క్రింది విధంగా ఉన్నాయి: పెట్రోల్: రూ. 110.89,డీజిల్: రూ. 98.96కి చేరింది.

ఒక్కసారిగా రూ. 3 పెరగడంతో రవాణా ఖర్చులు భారీగా పెరిగే అవకాశం ఉంది. డీజిల్ ధర పెరగడం వల్ల నిత్యావసర వస్తువుల రవాణా భారమై, పరోక్షంగా కూరగాయలు, ఇతర సరుకుల ధరలు కూడా పెరిగే ప్రమాదం ఉందని విశ్లేషకులు భావిస్తున్నారు. నగరంలోని పలు పెట్రోల్ బంకుల వద్ద వాహనదారులు పెరిగిన ధరల పట్ల అసహనం వ్యక్తం చేస్తున్నారు. అంతర్జాతీయ ముడి చమురు ధరలలో మార్పులే ఈ పెంపునకు ప్రధాన కారణమని తెలుస్తోంది. రానున్న రోజుల్లో ఈ ధరలు మరింత పెరిగే అవకాశం ఉందా లేదా అనేది వేచి చూడాలి.

హైదరాబాద్‌లో వాహనదారులపై పెట్రో భారం పెరిగింది. అంతర్జాతీయ మార్కెట్ పరిణామాల నేపథ్యంలో చమురు సంస్థలు ఇంధన ధరలను సవరిస్తూ నిర్ణయం తీసుకున్నాయి. లీటర్ పెట్రోల్ మరియు డీజిల్‌పై రూ. 3 మేర ధర పెరిగింది.