అప్పటి ముఖ్యమంత్రి జె. జయలలిత…. రాణిపేట్ నియోజకవర్గంలో కొత్త సంక్షేమ పథకాలను ప్రకటించిన నేపథ్యంలో ఎన్నికల సంఘం అక్కడ జరగాల్సిన ఉపఎన్నికను రద్దు చేసింది.

అప్పటి తమిళనాడు ముఖ్యమంత్రి జె. జయలలిత ఏప్రిల్ 5న రాణిపేటలో నిర్వహించిన సభలో అనేక కొత్త సంక్షేమ పథకాలు, అభివృద్ధి కార్యక్రమాలను ప్రకటించారు. ఉపఎన్నిక జరగనున్న నియోజకవర్గంలో ఓటర్లను ఆకర్షించేలా ఇటువంటి భారీ ప్రకటనలు చేయడం ఎన్నికల ప్రవర్తనా నియమావళిని ఉల్లంఘించడమేనని ఎన్నికల సంఘం పరిగణించింది.

అప్పటి ఏఐఏడీఎంకే (AIADMK) రాణిపేట్ అభ్యర్థి కోవి ఎస్. మోహనన్ ఈ నిర్ణయాన్ని సమర్థించుకుంటూ వాదనలు వినిపించారు. మోడల్ కోడ్ ఆఫ్ కండక్ట్ అనేది ఏప్రిల్ 6 నుండి మాత్రమే అమల్లోకి వస్తుందని ముఖ్యమంత్రి పథకాల ప్రకటనలు చేసింది ఏప్రిల్ 5న కాబట్టి తాము కోడ్‌ను అక్షరాలా పాటించామని ఆయన స్పష్టం చేశారు.

అయితే పోలింగ్‌కు ముందు అధికార దుర్వినియోగం జరిగిందని స్వేచ్ఛగా, పారదర్శకంగా ఎన్నికలు నిర్వహించే వాతావరణం లేదని భావించిన భారత ఎన్నికల సంఘం, ఆ ఉపఎన్నికనే రద్దు చేస్తూ తీవ్ర నిర్ణయం తీసుకుంది. తమిళనాడు రాజకీయాల్లో ఎన్నికల ప్రవర్తనా నియమావళి అమలు మరియు ఎన్నికల సంఘం యొక్క అధికార పరిధికి సంబంధించి ఈ ఘటన ఒక ముఖ్యమైన మైలురాయిగా నిలిచింది.

తమిళనాడు రాజకీయ చరిత్రలో ఎన్నికల ప్రవర్తనా నియమావళి (Model Code of Conduct) అమలు, ఎన్నికల సంఘం (ECI) తీసుకున్న సంచలన నిర్ణయాలకు సంబంధించి ఒక ఆసక్తికరమైన వార్త సోషల్ మీడియాలో వైరల్‌గా మారింది. అప్పటి ముఖ్యమంత్రి జె. జయలలిత…. రాణిపేట్ నియోజకవర్గంలో కొత్త సంక్షేమ పథకాలను ప్రకటించిన నేపథ్యంలో ఎన్నికల సంఘం అక్కడ జరగాల్సిన ఉపఎన్నికను రద్దు చేసింది.