కెనడాతో వాణిజ్య యుద్ధం ముదురుతున్న వేళ ఈ జలభాగం పేరు మార్పుకు సంబంధించిన ఎగ్జిక్యూటివ్ ఆర్డర్‌పై ట్రంప్ సంతకం చేసిన కొన్ని రోజులకే ఈ పరిణామం చోటుచేసుకుందని ఆయన పరిపాలన విభాగం ఇంటీరియర్ సెక్రటరీ వెల్లడించారు.

ఇంటీరియర్ సెక్రటరీ డౌగ్ బర్గమ్ ఫాక్స్ ఛానెల్ 'మార్నింగ్స్ విత్ మారియా' ప్రోగ్రామ్‌లో మాట్లాడుతూ.. ట్రంప్ నేరుగా యాపిల్ సంస్థను సంప్రదించారని తెలిపారు. త్వరలోనే యాపిల్ ప్లాట్‌ఫామ్‌లో 'లేక్ అమెరికా' అనే పేరు కనిపిస్తుందని ఆయన ధీమా వ్యక్తం చేశారు. ఈ విషయంపై యాపిల్ సంస్థ తక్షణమే స్పందించలేదు. సోమవారం మధ్యాహ్నం నాటికి ఆ సంస్థ ప్లాట్‌ఫామ్‌లో 'లేక్ ఆంటారియో' పేరు మాత్రమే కనిపిస్తోంది.

మరోవైపు పోటీ సంస్థ అయిన గూగుల్ మ్యాప్స్ ) న్యూయార్క్ రాష్ట్రం మరియు కెనడాలోని ఆంటారియో ప్రావిన్స్ మధ్య ఉన్న ఈ జలభాగానికి అమెరికా వినియోగదారుల కోసం 'లేక్ అమెరికా' అనే కొత్త పేరును ఇప్పటికే అమలులోకి తెచ్చింది. యుఎస్ జియోగ్రాఫిక్ నేమ్స్ ఇన్ఫర్మేషన్ సిస్టమ్ (GNIS) కేటాయించిన పేర్లను ఉపయోగించే తమ విధానానికి అనుగుణంగానే ఈ మార్పు చేశామని గూగుల్ స్పష్టం చేసింది.

అమెరికాలో మ్యాప్స్ ఉపయోగించే వారికి 'లేక్ అమెరికా' అని, కెనడాలోని వారికి 'లేక్ ఆంటారియో' అని, అమెరికా మరియు కెనడా వెలుపల ఉన్న వారికి రెండు పేర్లు కనిపిస్తాయి అని గూగుల్ శనివారం ప్రకటన విడుదల చేసింది.కెనడాతో జరుగుతున్న వాణిజ్య యుద్ధం మరియు ఇరు దేశాల మధ్య సుంకాల పెంపు నేపథ్యంలో ట్రంప్ ఈ నిర్ణయాన్ని తీసుకున్నారు. యుఎస్ జియోగ్రాఫిక్ నేమింగ్ సర్వీస్‌లో సరస్సు పేరును నవీకరించాలని శుక్రవారం జారీ చేసిన ఎగ్జిక్యూటివ్ ఆర్డర్ ద్వారా ఆయన ఇంటీరియర్ డిపార్ట్‌మెంట్‌ను ఆదేశించారు.

అయితే, అమెరికా అధ్యక్షుడు తీసుకున్న ఈ నిర్ణయాన్ని కెనడా పాటించాల్సిన అవసరం లేదు. కెనడా నాయకులు ఈ చర్యను తీవ్రంగా నిరసించారు. న్యూయార్క్‌లోని సెనెకా నేషన్ నాయకుడు మాట్లాడుతూ.. ఈ చర్య 225 ఏళ్లకు పైగా ఉన్న ఒప్పందాన్ని ఉల్లంఘించడమే కాకుండా, మొదట ఈ సరస్సుకు ఆంటారియో అని నామకరణం చేసిన మూలవాసులను తీవ్రంగా అవమానించడమేనని మండిపడ్డారు.

ట్రంప్ సరిహద్దు జలభాగాల పేర్లను మార్చడం ఇది మొదటిసారి కాదు. గతంలో ఆయన 'గల్ఫ్ ఆఫ్ మెక్సికో' పేరును 'గల్ఫ్ ఆఫ్ అమెరికా'గా మార్చాలని ఆదేశించగా, అనంతరం గూగుల్ మరియు యాపిల్ సంస్థలు తమ మ్యాప్స్‌లో అమెరికా వినియోగదారుల కోసం ఆ పేరును అప్‌డేట్ చేసిన విషయం విదితమే.

తమ మ్యాప్స్ యాప్‌లో 'లేక్ ఆంటారియో' (Lake Ontario) పేరును 'లేక్ అమెరికా' (Lake America)గా మార్చాలని అమెరికా అధ్యక్షుడు డోనాల్డ్ ట్రంప్ యాపిల్ సంస్థను కోరారు. కెనడాతో వాణిజ్య యుద్ధం ముదురుతున్న వేళ ఈ జలభాగం పేరు మార్పుకు సంబంధించిన ఎగ్జిక్యూటివ్ ఆర్డర్‌పై ట్రంప్ సంతకం చేసిన కొన్ని రోజులకే ఈ పరిణామం చోటుచేసుకుందని ఆయన పరిపాలన విభాగం ఇంటీరియర్ సెక్రటరీ వెల్లడించారు.