సోషల్ మీడియాలో ఎక్కడ చూసినా దర్శకుడు బుచ్చిబాబు వీడియో క్లిప్పులు దర్శనమిస్తున్నాయి. పెద్ది ప్రమోషన్లలో భాగంగా ఇచ్చిన ఇంటర్వ్యూలలో ఆయన పంచుకున్న విశేషాలతో అభిమానులు ఫుల్ హ్యాపీ అవుతున్నారు.
గత కొద్దిరోజులుగా పబ్లిసిటీ విషయంలో ప్లానింగ్ సరిగా లేదనే అసంతృప్తి మెగాభిమానుల్లో బలంగా ఉంది. దాన్ని తగ్గించే పనిని ఇప్పుడీ క్లిప్పులు విజయవంతంగా నిర్వహిస్తున్నాయి. ఓ రెండు రోజులు ఇలా మేనేజ్ చేస్తే ట్రైలర్ వచ్చేస్తుంది.
పెద్ది మేకింగ్, రామ్ చరణ్ డెడికేషన్, ఖుషి కపూర్ ని అనుకుని ఆమె అక్క జాన్వీని తీసుకోవడం, చిరంజీవి సెట్స్ కి వచ్చినప్పుడు కాసేపే సమయం గడపడం, ఎమోషనల్ క్లైమాక్స్, ఐటెం సాంగ్, మూడు క్రీడల నేపథ్యం ఇలా బోలెడు కబుర్లు మనసారా పంచుకున్నాడు బుచ్చిబాబు. రెహమాన్ తో అనుభవాన్ని వివరించిన తీరు మ్యూజిక్ లవర్స్ ని ఆశ్చర్యానికి గురి చేసింది. చాలా గ్రౌండెడ్ గా కనిపించే ఈ బ్లాక్ బస్టర్ డైరెక్టర్ అన్ని ఇంటర్వ్యూలు వరసగా ఇచ్చినా ప్రశాంతంగా మాట్లాడ్డం గమనార్హం.